NOTA DE PRENSA:
A Deputación impulsa a promoción dos produtos autóctonos coa I Festa do Marisco
– O organismo provincial colabora coa cita gastronómica que organiza o grupo “El Progreso”, e que acollerá o porto de Burela o vindeiro 28 de agosto
– Nécoras, percebes, mexillóns, berberechos e cigalas forman o menú que custará 20 euros ou 18 euros coa compra anticipada dos tiquets
A Vicepresidenta Segunda da Deputación, Lara Méndez, participou este mércores na presentación da I Festa do Marisco, unha cita gastronómica organizada polo grupo “El Progreso”, e que acollerá o porto de Burela o vindeiro 28 de agosto. Lara Méndez destacou a colaboración do organismo provincial nesta iniciativa “dentro da firme aposta da Deputación polo medioambiente, a nosa oportunidade económica”.
A responsable da área de Promoción Económica e de Emprego explicou que o organismo provincial promociona os produtos autóctonos, contribuíndo a manter postos de traballo, a través das subvencións directas que concede o INLUDES, das axudas ós autónomos que traballan na súa produción, ou mediante o programa medioambiental Lug02 dotado de 5 millóns de euros, e co-financiado nun 70% pola Unión Europea.
Neste senso, Lara Méndez subliñou que, “só dentro da liña de actuación da mellora da comercialización dos produtos autóctonos de Lug02, a Deputación leva investidos xa máis de 600.000 euros é dicir, máis de 100.000 millóns de pesetas”. Neste senso, lembrou algunhas das medidas posta en marcha polo o organismo provincial como a campaña de promoción Lugo-Sabe, a marca de auténtica calidade á que optan máis de 100 produtos, ou o asesoramento e apoio que se ofrece ós traballadores deste sector.
Deste xeito, coa colaboración á I Festa do Marisco, a Deputación impulsa unha iniciativa máis para a promoción dos produtos autóctonos e a mellora da economía da Mariña. Burela, concretamente a antiga lonxa do porto desta localidade, será o primeiro escenario da iniciativa cuxos organizadores buscan reeditar e celebrar cada ano nun Concello diferente da Mariña.
Durante a cita, repartiránse nécoras, percebes, mexillóns, berberechos, e cigalas. O prezo do menú é de 20 euros. Ademais, poderanse comprar os tiquets por anticipado nas delegación de dito xornal en Ribadeo, Viveiro e Burela, así como no restaurante “Palacio de Cristal” en Burela. Neste caso, o custe é de 18 euros.
Lara Méndez estivo acompañada polo Alcalde de Burela, Alfredo Llano, a Tenente Alcalde, Neves Cando, o Director de Recursos Mariños da Consellería de Mar, Pablo Fernández Asensio, a Presidenta adxunta do grupo “El Progreso”, Blanca De Cora, e a delegada deste periódico en Burela, Alicia Carballedo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
