NOTA DE PRENSA:
O grupo de teatro afeccionado O BORDELO será o encargado de pregoar as festas na honra de San Roque este venres as 19 horas
CERVO INICIA O PROGRAMA DAS CELEBRACIÓNS PATRONAIS COA V FESTA DO OVO FRITO
* O Concello de Cervo xunto co Xacobeo 2010 patrocinan dúas citas musicais de relevancia co folk de QUEMPALLOU e TIRULEQUE e, para o divertimento dos máis novos, co XOGO DO XACOBEO.
Cervo, 11 de agosto de 2010.- Coa V Festa do Ovo Frito que cada ano organiza a asociación deportiva Cervo-Sargadelos, dará comezo este venres o programa das celebracións patronais na capital municipal. Unha vez máis veciños e visitantes poderán gozar dun suculento prato de ovos fritos con patacas e un chourizo a partira das 20 horas. Antes, ás 19, serán os integrantes do Grupo O Bordelo de Cervo quen nesta ocasión pregoen as festas na honra de San Roque, Nosa Señora e a Virxe do Carme
Este ano as festas patronais de Cervo contarán cuns pregoeiros ben coñecidos e moi apreciados polas veciñas e veciños deste concello lucense: Os integrantes do grupo de teatro afeccionado O Bordelo. Por certo que, por un erro na nota de prensa enviada con anterioridade non identificamos de xeito correcto aos integrantes deste galardoado grupo teatral que leva doce anos de traballo altruista a prol da cultura, pregamos polo tanto a súa corrección facendo mención aos nomes dos membros correctos: María Paz Rodríguez Silva, Dolores Viamonte Rey, Antonio Villares González- Patoso, Xosé Manuel Glez –Copa e Francisco Piñeiro.
A área de Cultura do Concello de Cervo xunto co xacobeo 2010 patrocina dúas citas musicais de relevancia co folk de QUEMPALLOU e TIRULEQUE. O primeiro deles tocará ás 23 horas do martes 17 de agosto de 2010. Quempallou pódese gabar de facer dos seus concertos unha festa rachada, entre pasodobres, rumbas, muiñeiras, polcas etc para diversión de tódolos públicos. A segunda cita será con TIRULENQUE, un día despois, o mércores 18 de agosto, un grupo musical que acada o seu propio son, identificable tanto en temas tradicionais como en composicións propias reinterpretando en certa maneira a tradición.
DIVERTIMENTO PARA OS MÁIS MOZOS
Concello e Xacobeo 2010 tamén colaboran para o venres 27 de agosto de 2010 ás 19:30 horas co XOGO DO XACOBEO, un espectáculo en vivo para nenos de 6 a 13 anos no que 7 actores plantexaran probas que deben superar para recibir a “compostelana”. O obxectivo desta proposta é dar a coñecer os nenos e nenas, a través dunha proposta lúdica e innovadora unha opción de ocio, recreativa, deportiva e cultural para o goce do Camiño de Santiago.
O programa completo das festas na honra de San Roque, Nosa Señora e a Virxe do Carme é o seguinte:
Venres 13 de agosto
18.00 horas.- Exposición manualidades e labores
19.00 horas.- Pregón co Grupo de Teatro O BORDELO
20.00 horas.- V FESTA DO OVO FRITO
Sábado 14 de agosto
19.00 horas.- Concurso de Debuxo
Domingo 15 de agosto
13.00 horas.- Misa solemne na honra a Nosa Señora, procesión da Virxe da Asunción e do Carme, con ofrenda floral aos mariñeiros.
14.00 horas.- Sesión vermú coa orquestra FIN DE SIGLO.
18.00 horas.- TROFEO SARGADELOS.
20.00 horas.- FESTIVAL FOLKLÓRICO “AIRIÑOS DO XUNCO”
23.00 horas.- Verbena a cargo da orquestra FIN DE SIGLO
Luns 16 de agosto
13.00 horas.- Misa solemne e procesión na honra de San Roque.
14.00 horas.- Sesión vermú coa orquestra LA BÁMBOLA
22.30 horas.- Verbena a cargo da orquestra LA BÁMBOLA.
Martes 17 de agosto
Semana Cultural AIRIÑOS DO XUNCO
11.00 horas.- Festa da espuma e xuncada.
23.00 horas.- QUEMPALLOU (Xacobeo 2010)
Mércores 18 de agosto
23.00 horas.- Grupo musical TIRULEQUE (Xunta de Galicia)
Xoves 19 de agosto
18.00 horas PARQUE INFANTIL DIVERNENO
Sábado 21 de agosto
10.00 horas.- XIV MERCADO TRADICIONAL DE CERVO
Anima rúa: contos do alambique
Anima rúa: O deus pan
23.00 horas.- XXXII QUEIMADA POPULAR DE CERVO
Organiza: AC Rego Cachón.
Colabora: Concello de Cervo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
