A Mariña, 6 de outubro de 2022. Do 22 de outubro ao 12 de novembro desenvolveranse na Mariña e en Ferrolterra seis xornadas de turismo slow, que terán lugar en Cedeira, Barreiros, nas Fragas do Eume ou a carón do río Sor.
O Turismo Slow Norte de Galicia é un proxecto colaborativo posto en marcha no ano 2015 polas Mancomunidades de Concellos da Mariña Lucense e Ferrolterra, coa intención de promover un turismo sostible, é dicir, respectuoso coa natureza, coa xente que vive no territorio, coas empresas e traballadores do sector turístico. Así, con esta filosofía, que hoxe en día xa é tendencia, foise desenvolvendo un proxecto escaparate da oferta dos xeodestinos Mariña Lucense e Ferrolterra Rías Altas en resposta ao perfil do turista que escapa das masificacións e que está cada vez máis concienciado cunha forma de viaxar máis pausada, buscando o descanso, gozar do medio natural e coñecer e valorar a cultura e vida local.
No 2020 deseñáronse da man dos aloxamentos e empresas provedoras de actividades unha serie de experiencias de turismo slow que se poden ver na web deste proxecto (turismoslow.gal) e, este ano, de cara ao outono sae un pequeno programa de 6 actividades cunha selección de propostas entorno á natureza e o benestar que van desde rutas ata obradoiros. Unha das premisas do proxecto, e en concreto desta iniciativa, é o interese por desenvolver este tipo de xornadas relacionadas coa natureza, a gastronomía e a cultura local en temporada baixa, axudar así na desestacionalización e no desfrute mais pausado de todas elas.
As actuacións vinculadas a esta iniciativa, que teñen que ver principalmente coa coordinación e promoción do programa, están financiadas ao abeiro do Plan de Sustentabilidade Turística na Mariña Lucense, co financiado pola Mancomunidade de Concellos da Mariña Lucense, a Xunta de Galicia e a Secretaría de Estado de Turismo e do convenio asinado entre Mancomunidade de Concellos de Ferrolterra e a Axencia de Turismo de Galicia para o desenvolvemento das accións de turismo no 2022 no xeodestino Ferrolterra Rías Altas. As propostas buscan o equilibrio persoal en contacto coa natureza, así como achegar ao visitante á cultura local e os recursos turísticos e outras son de nova creación con motivo deste programa de outono.
As actuacións a desenvolver neste outono no marco do proxecto Experiencias de Turismo Slow correspóndense con 6 propostas dirixidas a distintos públicos que se organizarán en xornadas de 1 día ou de fin de semana do 22 de outubro ao 12 de novembro. Dende a Mancomunidade de Concellos da Mariña Lucense o seu presidente, Fran Cajoto, agarda “poder continuar coa iniciativa durante a primavera. E gustaríanos que se sumasen máis negocios a esta proposta”.
As Experiencias de Turismo Slow arrincarán o 22 de outubro en Cedeira, cunha visita polo seu centro histórico, por Punta Sarridal e o Castro, polo camiño dos Peiraos cara San Antonio de Corveiro para gozar das súas vistas á ría e retorno ao porto.
Do 28 ao 30 de outubro terá lugar un obradoiro de fotografía creativa e slow no hotel Rías Altas, en Barreiros, que será impartido por Xaora Fotógrafos. Trátase dun curso presencial intensivo de iniciación á fotografía dixital pensado para persoas afeccionadas ou iniciadas á fotografía.
O 29 de outubro o protagonista será o río Sor. Os asistentes descenderán en kaiak e gozarán do silencio e dunha paisaxe espectacular.
Xa a fin de semana do 4 ao 6 de novembro en Os Tres Teixos, en Barreiros, os participantes asistirán a un programa de crecemento persoal, que ten como obxectivo desmantelar vellos e nocivos patróns de pensamento e conducta.
Para o 5 de novembro está programada unha ruta a cabalo a carón do río Sor atravesando paisaxes máxicas cheas de castiñeiros e carballos centenarios, sempre inmersos nunha vexetación de ribeira exuberante.
E o 12 de novembro desenvolverase unha camiñada gastronómica polas Fragas do Eume. A través dun paseo interpretativo polo bosque, os asistentes irán parando para probar os produtos locais da zona, culminando a experiencia nunha divertida e curiosa visita ao Mosteiro de Caaveiro e a súa contorna etnográfica.
Expectativas de futuro
O Turismo Slow Norte de Galicia é un proxecto de participación voluntaria para aquelas empresas de aloxamento que cumpran os requisitos e, sobre todo, que teñan a motivación e ilusión necesarias para participar nun proxecto colectivo deste tipo e que fagan un tripla compromiso: o ambiental, de sustentabilidade e coidado do entorno, o compromiso coa calidade dos aloxamentos e a profesionalidade das persoas responsables, e o compromiso co proxecto, que se refire á implicación e o interese pola consolidación do mesmo.
Na actualidade, participan no Turismo Slow Norte de Galicia un total de 52 aloxamentos, dos que 24 pertencen ao Xeodestino de Ferrolterra Rías Altas e 28 ao Xeodestino Mariña Lucense. Nestes anos, nos que a pandemia puxo de manifesto a importancia da relación co medio natural, os aloxamentos turísticos viron incrementadas as estancias medias das persoas aloxadas. Nestes últimos dous anos, o proxecto está incorporando á oferta tamén produtores e empresas de actividades que complementen as visitas turísticas. Desta idea das experiencias slow é de onde naceu este programa que se presenta agora.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
