O delegado territorial de Lugo, Javier Arias, visitou esta mañá as obras, que rematarán nun prazo de dúas semanas, e que levarán aparelladas a mellora da sinalización no cruce de Soenlle
Trabada, 20 de maio de 2022. A Consellería de Infraestruturas e Mobilidade está a executar obras de mellora da seguridade nun treito da vía autonómica LU-132 que coincide co Camiño de Santiago ao seu paso polo concello de Trabada, traballos que está previsto rematar nun prazo de dúas semanas.
O delegado territorial da Xunta en Lugo, Javier Arias, comprobou hoxe o avance dos traballos, que teñen un orzamento de 144.300 euros. A actuación comezou á altura do punto quilométrico 11+500, nunha parte da estrada que transcorre paralela á ruta xacobea, na que se está a construír unha pasarela de madeira, que contará con malla metálica antideslizante onde fose necesario.
As obras incluirán a roza das marxes, a mellora do pavimento do Camiño en todo ese percorrido, a instalación de dúas pasarelas peonís de madeira, a colocación de barreiras de seguridade e o reforzo da sinalización para advertir aos condutores da posible presenza de peóns. Esta última actuación será especialmente sensible no cruce de Soenlle, no que se está a valorar ademais de reforzar a sinalización, a colocación de bandas rugosas.
Arias afirmou que está é unha das 23 novas intervencións previstas na provincia de Lugo para mellorar a seguridade en cruzamentos ou treitos da ruta a Santiago que coinciden coas estradas autonómicas. O investimento total en Galicia será de 1,8 millóns de euros para realizar 39 actuacións ata final de ano.
O delegado lembrou que o ano pasado xa se melloraron outros tres puntos conflitivos do Camiño Norte, dous deles na LU-133 ao seu paso por Ribadeo e Trabada e outro na LU-132 en Lourenzá. En toda a provincia foron 36 actuacións realizadas en 13 estradas en 2021, cun investimento total de 466.800 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
