RIBADEO (FNC) .- Rinlo acollerá o vindeiro 14 de agosto a VII Festa do Percebe na que se porán á venda de 500 a 600 quilos deste produto, segundo a organización. O evento foi presentado esta mañá nesa vila.
A concelleira de Cultura de Ribadeo, Mariluz Álvarez Lastra, sinalou que “a festa serve para poñer en valor un produto típico da costa de Rinlo como é percebe e o traballo das mulleres mariscadoras, porque son elas mesmas as que o recollen”. A edil nacionalista convidou “a todo o mundo a que se pasen o vindeiro 14 de agosto a partires das 12 da mañá polo porto de Rinlo porque ata última da hora se van poder degustar ata 600 quilos de percebes ofrecidos pola asociación de mariscadoras de Rinlo”.
A presidenta do colectivo dixo que “si o mar nos deixa poñeremos á venda entre 500 e 600 quilos de percebe e a ración de 250 gramos será a 12 euros. Contaremos con carpa, unha discoteca móbil e amenización musical durante todo o día. Empezaremos a servir o percebe sobre as 12 da mañá e esperemos que se nos esgote”. Celia Pacios engadiu que “o que pretendemos é resaltar o noso produto e levantalo un pouco porque o sector do mar e os prezos están un pouco baixos. E agardamos poder seguir mantendo a tradición. O percebe que se servirá é de Rinlo, collido polas propias mariscadoras e organizadoras do evento, entendemos que isto tamén un pouco de mérito”.
Homenaxe
A asociación de mariscadoras de Rinlo renderá homenaxe á compañeira falecida o pasado mes de decembro Antonia González. O domingo 15 de agosto haberá unha misa ás 10 da mañá e ás 11 terá lugar a colocación dunha placa na súa memoria.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
