Os afectados explican que nesta parroquia de Vilarente non existe saneamento municipal, nin abastecemento de auga. Advirten de que a traída municipal que abastece a este núcleo “é ilegal”, e lembran que o propio Concello xa foi sancionado por este motivo
Abadín, 29 de agosto de 2022. O Voceiro Socialista de Abadín, Pablo Díaz, fíxose eco das denuncias dunha familia da parroquia de Vilarente (Cabanela), que se manifestou este luns ás portas do Concello de Abadín, xa que leva sufrindo dende o ano 2011 problemas no abastecemento de auga no seu domicilio, e nestes intres levan dous días sen auga.
Os afectados explican que nesta parroquia de Vilarente non existe saneamento municipal, nin abastecemento de auga. Advirten de que a traída de auga municipal que abastece a este núcleo do municipio “é ilegal”, e lembran que o propio Concello de Abadín xa foi sancionado por este motivo.
O Voceiro Socialista explica que os propios afectados xa presentaron denuncias en tódolos estamentos oficiais, comezando polo propio Concello de Abadín, a Valedora do Pobo, a Garda Civil, o Seprona e a Confederación Hidrográfica do Miño-Sil, “e o Concello segue sen darlles unha solución, aínda que sexa de xeito provisional como por exemplo a través do camión de incendios ou con cisternas”, incidiu. “Non entendemos como pode haber parroquias sen auga en pleno século XXI. Así é como defende o rural o PP, recortando servizos como no centro de saúde e abandonando ás nosas parroquias ”, subliñou.
Pablo Díaz sinalou ademais que no domicilio desta familia viven un total de 5 persoas, unha delas con mobilidade reducida, “que precisa de coidados e atención sanitaria constantes, e que por mor do abandono do Concello de Abadín e do seu Alcalde non están sendo correctamente atendidas, xa que non teñen acceso á auga”. Ademais, teñen ganado ao que deben dar de beber de xeito manual, co transporte da auga.
Por último, o Voceiro lembra que, segundo recolle a normativa, concretamente nos artigos 18 e 25 da Lei de Réxime de Bases Local, “os veciños teñen dereito ao subministro de auga potable no domicilio e a evacuación e tratamento de augas residuais. Polo tanto, o Concello de Abadín ten que actuar xa, non pode deixar sen auga ás familias e as parroquias do noso Concello. Póñanse a traballar xa para solventar este problema”, resumiu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
