Foz, 26 de agosto de 2022. O Concello de Foz inviste máis de 290.000 euros en obras para mellorar viais do casco urbano da vila e das parroquias. Anunciouno hoxe, venres, o alcalde, Fran Cajoto.
O Concello de Foz continúa coa mellora de distintas rúas e camiños en todo o concello, con contratos en distinta fase de avance. O rexedor municipal destaca que “remataron as obras de mellora de viais en parroquias con aglomerado en quente: en Fazouro -Rúa e Morgallón-, en Nois -Porto e zona apeadoiro-, en Marzán -Rúa de Francia e a Báscula-, en Vilaxoane -Camiño de Mansín- e en Santa Cilla -Vilacizal e no Chao- por 84.458 euros, con cargo ao Plan Único da Deputación do ano 2021. Cos remanentes do Plan Único do 2021 no contrato de camiños -9.270 euros- imos asfaltar varios viais tamén en Foz: estamos a optimizar a xestión dos recursos, no anterior mandato non había remanentes para facer máis obras”.
O alcalde resalta tamén “a resolución da adxudicación por case 137.000 euros da mellora en distintas rúas do casco urbano con cargo a fondos do Plan Único do 2022 á empresa Construcciones Isidro Otero SL. E en fase de presentación de ofertas están tamén varios camiños en San Martiño e Santa Cilla, neste caso con cargo a fondos do Agader. Nun breve prazo sacaremos tamén a licitación as obras de mellora de viais nas parroquias proxectadas con cargo a fondos do Plan Único do ano 2022. Estamos a traballar de forma seria e responsable para mellorar as nosas infraestruturas”.
Fran Cajoto especifica que “finalizaron as obras de mellora de viais con aglomerado en quente en Fazouro -Rúa e Morgallón-, Nois -Porto e zona apeadoiro-, Marzán -Rúa de Francia e a Báscula-, Vilaxoane -Camiño de Mansín- e Santa Cilla –Vilacizal e no Chao- por un total de 84.458 euros con cargo ao Plan Único da Deputación do ano 2021. Comezarán en vindeiras datas as obras de limpeza de cunetas e asfaltado con dobre tratamento superficial de rego con gravilla en viais municipais en zahorra que desembocan na estrada Rapadoira-Llas, Pintor Laxeiro e Avenida de Asturias, cun orzamento de 9.269,87 euros con cargo a remanentes do Plan Único da Deputación do ano 2021. E foron adxudicadas por 136.666,68 euros as obras de mellora en viais urbanos con aglomerados en Vilaxoane -Caínzal (praza da Pena) e rúa de Redondo-, pavimentación con formigón impreso en canellón de Curros Enríquez e camiño a Avenida de Breogán, beirarrúas, aglomerado e separación peonil na rúa Camiño Real desde as Torres ao cámping de Llas, aglomerados na rúa Río Masma, cruce Mariñeiro Chila-Sarria e Avenida de Viveiro e rúa Pena Parda, en Marzán, con cargo a fondos do Plan Único da Deputación do ano 2022. E está en licitación por 59.655,22 euros a mellora de camiños municipais nos barrios de Mourente, en San Martiño, con aglomerado en quente, e na Folgosa e no Chao, en Santa Cilla, con dobre tratamento superficial de rego con gravilla, con cargo a fondos do Agader”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
