A MARIÑA .- A consellería de Educación e Ordenación Universitaria e Alcoa colaboran nun proxecto de prevención de riscos laborais en centros de FP da Mariña que se estenderá a toda Galicia o próximo curso. A conselleira de Educación e o director de Alcoa San Ciprián presentaron este programa que se porá en marcha este curso no Centro Integrado de Formación Profesional (CIFP) Porta da Auga, de Ribadeo; no Instituto de Educación Secundaria (IES) Perdouro, de Burela; e IES María Sarmiento, de Viveiro.
Nota de Prensa
Educación e Alcoa colaboran nun proxecto de prevención de riscos laborais en centros de FP da Mariña que se estenderá a toda Galicia o próximo curso
A conselleira de Educación e o director de Alcoa San Ciprián presentaron este programa que se porá en marcha este curso no Centro Integrado de Formación Profesional (CIFP) Porta da Auga, de Ribadeo; no Instituto de Educación Secundaria (IES) Perdouro, de Burela; e IES María Sarmiento, de Viveiro
A conselleira de Educación e Ordenación Universitaria, Laura Sánchez Piñón, e o director de Alcoa San Ciprián, José Manuel Alvarado Cendán, presentaron este mediodía no Instituto de Educación Secundaria (IES) María Sarmiento, de Viveiro, un programa pioneiro na prevención de riscos laborais nas ensinanzas de Formación Profesional que se porá en marcha este curso en tres centros de FP da comarca da Mariña lucense. Son o Centro Integrado de Formación Profesional (CIFP) Porta da Auga, de Ribadeo; o Instituto de Educación Secundaria (IES) Perdouro, de Burela; e o IES María Sarmiento, de Viveiro. A oferta formativa destes centros abarca familias profesionais que polas súas características demandan unha atención máis específica neste eido, como son Fabricación Mecánica, Edificación e obra civil, Electricidade-Electrónica ou Mantemento de vehículos autopropulsados.
En concreto, este proxecto desenvolverase nas aulas de informática e talleres de construción, maquinaria, mecanizado, chapa e pintura e talleres de electricidade-electrónica destes centros. Para a formación do profesorado e do alumnado contarase coa colaboración de profesionais cualificados da Fundación Alcoa, así como con profesorado especialista en materia de riscos laborais dependente da Consellería de Educación e Ordenación Universitaria.
A máxima responsable da Administración educativa galega destacou “a valentía e ganas de colaborar” dos centros implicados ao tempo que salientou a cooperación entre estes tres centros e “a mellor empresa do mundo neste sector”, tal e como afirmou o responsable da entidade na súa intervención, sinalou Sánchez Piñón.
De cara a instaurar a cultura de prevención en riscos laborais nestas ensinanzas, a través deste programa formarase ao profesorado e alumnado en seguridade e prevención de riscos laborais así como en primeiros auxilios; e avaliaranse os riscos laborais en máquinas e instalacións e a seguridade e hixiene nas instalacións das familias profesionais de Administración, Fabricación Mecánica, Edificación e obra civil, Electricidade-electrónica, Imaxe persoal e Mantemento de vehículos autopropulsados.
Ao mesmo tempo, este proxecto piloto inclúe a elaboración de procedementos para un traballo seguro, de fichas resumidas de seguridade de produtos químicos empregados nas instalacións, o establecemento de equipos de protección individual necesarios, e a sinalización dos riscos en máquinas e instalacións, así como a observación de medidas de seguridade nun centro de traballo real.
A conselleira de Educación destacou a intención de estender este proxecto en vindeiros cursos a outras provincias e familias profesionais, como Madeira e Moble, Administración, Imaxe Persoal ou Mantemento de Servizos á Produción. Así, Sánchez Piñón indicou que se trata dun proxecto “moi ben artellado”, resultado do esforzo de moitos profesionais: o profesorado dos centros implicados, o persoal de Alcoa, e o da Dirección Xeral de Formación Profesional e Ensinanzas Especiais.
Ademais, a titular da Administración educativa galega realizou un chamamento ao profesorado e ao alumnado asistente ao acto destacando a necesidade de incrementar ata o 85% a porcentaxe de estudantes con formación posobrigatoria.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
