Nota de Prensa
O BNG DE BARREIROS CONSIDERA QUE O CONCELLEIRO DE OBRAS DEBE APROVEITAR DO MELLOR XEITO POSIBLE OS RECUSOS MATERIAIS E HUMANOS PARA MANTER EN BÓ ESTADO A EXTENSA REDE VIARIA LOCAL.
Barreiros, 1 de agosto de 2010. O BNG de Barreiros considera que o concelleiro de Obras debe aproveitar do mellor xeito posible os recursos materiais e humanos para manter en bó estado a extensa rede viaria local.
Desde o Bloque Nacionalista Galego apuntaron que “no pleno celebrado hai uns días o noso grupo pedíulle ao alcalde garantías de conservación da rede viaria local, unha vez rematen os tramos da autovía A-8 correspondentes a Barreiros. De todo o mundo é sabido que todas as empresas que están traballando nestas obras no noso concello provocan lóxicamente destrozos en moitos camiños e en moitas pistas municipais. Está claro que si queremos ter infraestructuras por algún lado teñen que pasar esas máquinas, pero o que lle pedimos ao Concello é que sexa implacable en conseguir que ao remate destas obras da autovía as empresas cumpran co prometido e que deixen toda a rede local que utilizaron en boas condicións”.
Os nacionalistas sinalan que “a rede viaria local de Barreiros está a atravesar a súa peor época, non só polos traballos da autovía senón polo mal mantemento que se fai desde o Concello, pola mala conservación que se fai e máxime cando parecía que ía ser todo o contrario ao poñerse ao inicio desta lexislatura a un concelleiro con adicación exclusiva para o tema das obras. Temos que lamentar, independentemente da boa intención que poida ter esta persoa, que os frutos non son os que se buscaban. Non o di o BNG dino os veciños de Barreiros que é a peor época das dúas últimas décadas para a rede viaria local”. Os concelleiros do grupo municipal do BNG poñen un exemplo, “estáse a facer un desbroce nas pistas, que a parte de facelo tarde porque xa tiña que estar empezado moito antes, non se fai nas debidas condicións aínda tendo o persoal que temos para facer a limpeza viaria creo que non se sabe aproveitar ben, porque tal e como din os veciños detrás desas máquinas que limpan as cunetas tería que ir persoal para deixar perfectamente listas esas zonas para que cando veña a auga poida pasar por aí e non por enriba das pistas que é como soe ocorrer. Desta conservación das cunetas depende en grande medida que despois esas pistas se manteñan ou non se manteñan”.
No BNG barreirense pensan que “a rede viaria non se trata coa atención que debería, despois é moi caro mantelo, porque tamén recoñecemos que Barreiros ten unha rede viaria moi grande, pero hai que facer un esforzo día a día, non acordarse no mes de xuño e pasar o tractor rápidamente que realmente non fai nada para deixar en bó estado as cunetas. De aí veñen os problemas porque non se atallan no momento oportuno. Hai que aproveitar os recursos humanos e materiais que ten o Concello, ésa é a misión que ten o concelleiro responsable de Obras, que entendemos que con boa intención o designaría para ese cargo o señor alcalde e non simplemente para ir pedir o voto en época electoral”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
