A Mariña, sábado 9 de xullo 2022. Este sábado o BNG presentou no muelle de Foz os actos que a formación vai celebrar na Mariña previos ao 25 de xullo, Día da Patria Galega. Asistiron o deputado Daniel Castro, o responsable comarcal Antonio Veiga, membros do Bng de Foz e Barreiros e mais do consello comarcal, así como Diego Núñez, focego e deseñador do cartaz nacional deste ano.
O primeiro dos actos será a Bonitada que as nacionalistas de Barreiros organizan na área recreativa da Insua, o domingo 17 de xullo a partir das 14.00, e que vai xa pola XVI edición, con actuacións musicais e actividades lúdicas. Este xantar é aberto a todos aqueles que queiran asistir, comunicándoo previamente ao Bng para reservar praza.
O martes 19 de xullo ás 20:00 na Praza de Galicia en Foz terá lugar un acto público co deputado no Congreso Néstor Rego e no que se tratarán temas relativos á comarca e avanzaránse propostas e alternativas para a situación que atravesa A Mariña e o país en xeral.
O mércores 20 de xullo desde a formación xuvenil Galiza Nova organizan o despregue da bandeira da Patria en Viveiro.
A XXVII edición da Festa da Patria en Foz terá lugar o sábado 23 de xullo, con chicharros lañados, pan e viño e tamén actuacións musicais.
E para asistir á manifestación nacional do 25 de xullo en Compostela e demais actividades que alí se van celebrar ese día, o BNG pón a disposición de mariñás e mariñaos un servizo de bus gratuito. O teléfono de contacto é o 982 140 654 e o correo é amarinha@bng.gal
Unha Mariña con futuro nunha Galiza libre, xusta e próspera
Desde o BNG convidan a toda a comarca a participar nestes actos, para facernos valer, para gañarmos o futuro, para demostrar que somos un pobo que sabe defender o seu e loita, desde valores democráticos e republicanos por un futuro de liberdade e soberanía, porque na Mariña hai futuro, nunha Galiza libre, xusta e próspera, nun país e nunha comarca en que se poida vivir e traballar, que aposte pola defensa dos servizos públicos, especialmente a sanidade, o emprego e a industria (sobre todo nesta comarca que sufre un desmantelamento contínuo neses eidos), pola pesca, polo rural, e pola igualdade e a protección social.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
