Desde o departamento de Patrimonio insisten na necesidade de que tódalas actuacións que afecten ao subsolo da Praza da Catedral “deberán realizarse cun control arqueolóxico”
Mondoñedo, 4 de xullo de 2022. O Grupo Socialista de Mondoñedo preguntou na pasada sesión plenaria, celebrada o 30 de xuño, pola situación se atopan as obras da praza da Catedral despois das últimas incidencias no proxecto. Unhas obras que comezaron en decembro do 2021, e que a día de hoxe seguen se rematar.
“A praza da Catedral é o punto neurálxico das celebracións do noso concello, é incompresible que que dende máis dun ano que comezou este proxecto coa presentación da memoria no mes de xuño do 2021, a dia de hoxe, segue atopándose con inconvintes, e un ano despois aínda non estea rematado, e ademais leve xa 6 modificacións”, advirten os socialistas.
Hai que lembrar que o concello de Mondoñedo presentou diante do Consello Territorial de Patrimonio Cultural de Lugo o 6 modificado deste proxecto, diante da comisión que celebra este consello no mes de maio do 2022. Este proceso comezou o pasado xuño de 2021, cando o Concello de Mondoñedo envía o informe das obras de acondicionamento da Praza da Catedral. Un proxecto modificado, redactado e reaxustado pola arquitecta Gloria Trigo contratado polo Concello para tal fin.
Tal e como consta na memoria deste proxecto esta obra incluía a “desmontaxe das pezas de escaleira de acceso a soportais co fin de poder executar a nova rampla. Conservaranse as pezas retiradas co fin de usalas nos traballos de reparación do canal de desaugadoiro”.
Así as cousas, e tal e como se explica no informe da arquitecta “unha vez iniciadas as obras, constátase que non se pode levantar a pedra do pavimento do solo da praza sen romper; cando a proposta previa consistía en levantala para, posteriormente, recolocala. Así mesmo, compróbase que o pavimento da parte alta da praza, que se pretendía substituír, pódese conservar; polo que se substitúe esta partida pola nova pedra que haberá que repoñer na praza. E para non modificar o presuposto do proxecto, conservarase o pavimento de lastras de granito existente na rúa Pardo de Cela e o encontro entre esta rúa coa rúa Pascual Veiga resolverase tamén con lastras de granito”, segundo se recolle no devandito informe.
No que se refire aos proxectos previos na zona dos cantóns propoñíase o levantado total do pavimento sobre o canal de pedra que discorre paralelo ás fachadas das casas. Ante a dificultade de conseguir pedra do mesmo tipo que a existente, proponse a construción de tres arquetas de acceso e control para acceder ao canal facilmente sen necesidade de levantar o pavimento. As novas arquetas remataranse de pedra que se aproveitará da que se levante. No caso de que non sexa posible o seu aproveitamento, buscarase pedra igual á existente para revestir as tapas das arquetas. Desde o departamento de Patrimonio insisten na necesidade de que tódalas actuacións que afecten ao subsolo da Praza da Catedral “deberán realizarse cun control arqueolóxico”.
Obras no muro na rúa Pascual Veiga
Nesta mesma sesión plenaria tamén interpelaron ao goberno municipal sobre comezo das obras de reposición no muro da rúa Pascual Veiga, “onde avanzaron que comezarán no mes setembro para non entorpecer a celebración do mercado medieval”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
