LUGO .- A Deputación cifra en preto de 19 mil persoas as que visitaron as aulas móbiles de Lug02 que promocionan as Reservas da Biosfera. As tres aulas que a Deputación está a desenvolver refórzanse coas 4 móbiles que están a percorrer todos os municipios do ámbito de actuación
Nota de Prensa
Preto de 19.000 persoas visitaron as aulas móbiles de Lug02 que promocionan as Reservas da Biosfera
– Gómez Besteiro e o Alcalde de Fonsagrada inauguran a Aula de Interpretación da Natureza que o organismo provincial puxo en marcha no municipio da Montaña, e cuxa temática versa sobre a Reserva Eo-Oscos-Terras de Burón
– É a segunda que entra en funcionamento das tres previstas pola Deputación. A de Folgoso do Courel abrirá a súas portas co inicio do curso universitario
– A Deputación destina nestes tres últimos anos máis de 100.000 euros a 17 obras veciñais de Cervantes
O Presidente da Deputación, José Ramón Gómez Besteiro, e o Alcalde da Fonsagrada, Argelio González, inauguraron este xoves a Aula de Interpretación da Natureza que o organismo provincial puxo en marcha neste municipio dentro do programa europeo Lug02, co-financiado nun 70% por fondos FEDER. Esta é a segunda que entra en funcionamento das tres previstas pola Deputación no marco do programa medioambiental. A de Guitiriz foi inaugurada esta mesma semana polo Presidente e, a de Folgoso do Courel, que se ubica na Estación de Bioloxía que a USC puxo en marcha no munipio da Montaña, abrirá as súas portas coa entrada do curso universitario.
Gómez Besteiro subliñou que “en tan só catro días inauguramos dúas das tres aulas que poremos en marcha, e que forman parte dun proxecto co que demostramos que o medio ambiente é a oportunidade económica da provincia. Con estes centros poñemos en valor a grande riqueza medioambiental que temos e que foi decisiva para que hoxe máis do 55% da superficie de Lugo sexa Reserva da Biosfera”.
As tres Aulas que a Deputación está a desenvolver refórzanse coas 4 móbiles que están a percorrer todos os municipios do ámbito de actuación do programa e outros puntos de Galicia. Destas, unha e o Barco Muralla de Lugo, que esta mesma semana estivo en Fonsagrada e, as outras tres, son aulas acondicionadas en vehículos especiais. En total, 18.970 persoas visitaron estas dotacións coas que o organismo provincial dá a coñecer as Reserva da Biosfera e a comarca do Courel.
A embarcación, coa que a institución provincial reivindica a costa lucense, rexistrou dende xuño máis de 14.700 visitas. Durante o mes de agosto esta aula turístico-medioambiental continuará “surcando” a provincia para participar como “stand” da mesma en diversos eventos e citas ludico-festivas de 10 Concellos: Pontenova, Burela, Ribadeo, Castro de Rei, Muras, Meira, Portomarín, Pastoriza, Pol e Vilalba. Polo que se refire ás acondicionadas en vehículos especiais, estas percorreron dende o mes de marzo 230 poboacións, sendo visitadas por máis de 4.200 persoas.
A riqueza de Terras de Burón
Situada na parroquia fonsagradina de Paradanova, é unha aula rural na que predomina como tema principal a Montaña e as características orográficas e medioambientais do municipio. Neste senso, ofrece a todos os visitantes material divulgativo e equipos multimedia, ademais de actividades turístico-medioambientais que poñen en valor a riqueza natural da Reserva da Biosfera Río Eo-Oscos-Terras de Burón. Este espazo natural foi declarado pola UNESCO en 2007 e abarca 14 Concellos, 7 asturianos e 7 lucenses. Na parte da provincia de Lugo, a súa superficie é de 108.007 hectáreas e inclúe, ademais do municipio da Fonsagrada, os de Ribadeo, Trabada, A Pontenova, Ribeira de Piquín, Baleira, e Negueira de Muñiz.
O horario de atención ó público será de martes a venres de 10:00 a 14:00 e de 16:00 a 20:00 horas, e o sábado e o domingo de 10:00 a 14:00 horas. O luns permanecerá pechada ó público.
Máis de 100.000 euros para as comunidades veciñais
O Presidente da Deputación tamén se desprazou ata o Concello de Cervantes, onde supervisou varias obras que o organismo provincial acometeu dentro do Plan de Comunidades Veciñais. Concretamente, comprobou as obras de mellora levadas a cabo na pista de Paderne e na fonte de Doiras. Gómez Besteiro subliñou que o actual equipo de goberno executa neste municipio da Montaña 17 actuacións que contaron cun investimento total de máis de 300.000 euros. Desta cantidade, o organismo provincial achega máis de 100.000.
As actuacións que a Deputación acometerá en 2010 foron aprobadas pola Xunta de Goberno o venres pasado. Son as seguintes: ampliación da instalación dun pararraios en Vilarello, construción dun muro de contención en Balgos, acondicionamento dun camiño en Padornelo e mellora do abastecemento de auga en San Miguel.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
