MONDOÑEDO .- O presidente da Deputación, José Ramón Gómez Besteiro, e o alcalde de Mondoñedo, Orlando González, asinaron este luns o convenio de colaboración para a recuperación da Ponte do Pasatempo, que na actualidade está bastante deteriorada. O importe desta actuación é de 108.677 euros, dos que o organismo provincial achega 50.417, o Ministerio de Fomento 37.778 e a Consellería de Política Territorial 26.482 euros.
Gómez Besteiro destacou que “o pasado venres aprobamos o convenio na Xunta de Goberno porque entendemos que se trata dun dos monumentos máis emblemáticos da Mariña que é importante recuperar, e que dende o organismo provincial estamos potenciando tamén co Km0. Mondoñedo conseguiu un gran proxecto de rehabilitación e a Deputación fai fronte a un investimento que pode parecer pequeno pero que, sen embargo, para o Concello é moi grande. En actuacións coma esta é onde a Deputación cobra sentido e demostra que está ó servizo dos Concellos. Para nós é unha satisfacción facer un oco na historia da rehabilitación deste municipio, e na que tamén colabora o Goberno de España”.
A través desta iniciativa recuperarase tamén o contorno da Ponte; unha zona privilexiada dende o punto de vista paisaxístico e patrimonial con marcados valores culturais e históricos como os barrios dos Muíños -configurado por unha paisaxe de canles e regatos que lle dan o nome de “Venecia” de Mondoñedo e pola capela de Santiago, edificada a mediados do século XVII-, e o de San Lázaro -marcado pola actividade empresarial de transformación madereira-. A ponte sitúase sobre o río Valiñadares e foi testemuña dun importante fito histórico que evoca a memoria do Mariscal Pardo de Cela apresado en 1483 e decapitado por orde dos Reis Católicos.
Pola súa banda, o Alcalde agradeceu a colaboración do Presidente, “xa que hoxe trae o indulto a Mondoñedo, ó igual que a muller do Mariscal Pardo de Cela para o seu marido. Hoxe por sorte ó Concello de Mondoñedo non lle cortan a cabeza porque os cartos que tería que poñer para recuperar este contorno emblemático ponos a Deputación”. Neste senso, Orlando González felicitou a Gómez Besteiro pola xestión que está a levar a cabo, “que é importantísima para que Concellos como este poidan ter acceso a investimentos que polos seus recursos non poderían”.
Rehabilitación do centro histórico
Con anterioridade, Gómez Besteiro e Orlando González asinaran outro convenio que lle permitiu ó Concello completar a rehabilitación do centro histórico. Concretamente, o organismo provincial achegou 47.000 euros para a construción dun aparcadoiro subterráneo na zona de Alcántara, obra que xa está executada.
No ano 99, a través do Plan de Rehabilitación do Concello, dotado con 1,5 millóns de euros e subvencionado polo Ministerio de Vivenda nun 55%, acometeuse a restauración da Capela e dos accesos das principais rúas do centro histórico, quedando pendente a construción do aparcadoiro, que tivo un custe total de 103.000 euros. Deste xeito, e debido ós problemas de liquidez que está a ter a entidade local, a Deputación colaborou coa entidade municipal co fin de revitalizar a zona máis emblemática deste Concello.
Máis de 1,5 millóns de euros para Mondoñedo
A Deputación tamén realizou durante os últimos tres anos outros investimentos neste municipio a través de diferentes Plans, e que suman máis de 1,5 millóns de euros. Dentro do POS de 2010, Gómez Besteiro anunciou que o organismo provincial mellorará a CP 3101 que vai de Oirán a Ver e que ten unha lonxitude de 13,229 quilómetros. O importe desta actuación é de 1.156.859 euros, de tal xeito que o investimento que se realiza no treito pertencente a este municipio é de 785.989 euros.
Dentro das Comunidades Veciñais durante os últimos tres anos, executáronse 9 obras para as que a institución provincial achegou 75.770 euros. Por outra banda, este Concello está integrado na zona 2 do Plan de Conservación Integral das Estradas Provinciais. O mantemento dos 66,04 quilómetros deste municipio supuxo un investimento para a Deputación no que vai de mandato de 462.700 euros.
A través do Plan de Pequenas Infraestruturas para Concellos de menos de 5.000 habitantes, a Deputación achegou 30.766 euros, para a roza das estradas 35.064 euros e para as obras do Plan de Obras e Servizos municipal 43.488.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
