Ribadeo, 30 de maio de 2022. O Concello realiza traballos de reposición de árbores e mellora do axardinamento na contorna do Cargadoiro. A concelleira de Obras, Mónica Freire, subliñou que se están a substituír as árbores enfermas ou que supoñen un perigo para os peóns por outras máis axeitadas para esa zona e a súa climatoloxía. E asegurou que os populares teñen á súa disposición desde hai 12 meses o proxecto elaborado polos técnicos municipais.
A edil ribadense dixo que “desde o goberno de Ribadeo estamos moi sorprendidos por estas declaracións do Partido Popular sobre os traballos de reposición de árbores e mellora do axardinamento que se están a facer na zona do Cargadoiro, xa que existe un informe técnico elaborado polo aparellador municipal no mes de xuño do ano pasado, onde se explican as diferentes actuacións que se van a levar a cabo para a obra da mellora da estrada do Faro, que inclúe a senda ciclable”. Para Mónica Freire “como concelleiros da oposición, deberían ser coñecedores deste proxecto e do seu contido, xa que está a súa disposición desde hai 12 meses. A conclusión que sacamos ao ler agora estas palabras de todo desacertadas, é que ou ben non teñen moitas gañas de traballar para saber do que falan, ou ben coñecendo o proxecto aproveitan unha vez mais para confundir á veciñanza”.
A concelleira de Obras subliñou que “nese proxecto, explícase que se vai mellorar esta zona tan transitada do noso concello cunha capa de aglomerado en quente ao longo da estrada do Faro, desde a Avda Calvo Sotelo ata a Praia de Rochas Brancas, seguindo despois ata o encontro coa estrada da Deputación LU-P-5202, implementando un carril bici no tramo desde o aparcamento do Forte de San Damián ata dita praia”.
Mónica Freire explicou que “dentro das actuacións, contémplase 3 puntos de mellora de zonas verdes. Unha primeira no entorno do Forte de San Damián, onde se retirarán 24 eucaliptos, moitos deles con danos de pudrición ou risco de caída, coa intención de sanear esta masa case senlleira. Trátase de traballos de mellora conservación deste espazo, buscando a súa consolidación futura. Neste espazo colocaremos 20 unidades de acivros, unha especie que responde mellor ás condicións meteorolóxicas desta zona. Nunha segunda retiramos 4 chopos, que se atopaban plantados no medio da beirarrúa, e que dificultaban a accesibilidade nesta zona. 3 deles ademais presentaban problemas fitopatolóxicos graves. Neste espazo, os técnicos municipais optaron por repoñer estas árbores que se retiraron por 4 melaleucas, que serán plantadas na zona verde próxima a onde estaban os chopos enfermos. E a terceira zona, é a parte exterior do tramo dende a Avda Calvo Sotelo á capela de San Miguel, onde se retiraron outros 8 chopos, que serán substituídos por 8 corimbias. Ademais plantaranse outras 4 corimbias mais na zona do Cargadeiro”.
A edil nacionalista engadiu que “o que se busca con este proxecto técnico de mellora destas zonas verdes, non é so repoñer mais número de árbores que os que se retiran, senón facelo con toda a seguridade para as persoas e para os equipamentos, retirando árbores que se atopan en mal estado, e usando especies mais axeitadas para as condicións de salinidade e de vento ás que están expostas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
