Viveiro, 8 de maio, 2022. A Xunta de Galicia ven de presentar o proxecto de reforma da estrada LU-540, estrada que comunica Viveiro coa autovía AG-64 en Cabreiros (concello de Xermade). A reforma desta estrada e importante para a mellora nas condicións do trafico que comunica Viveiro coas principais cidades de Galicia e tamén co interior do estado, aínda que non colma as aspiracións dos veciños e veciñas do noso concello de contar cunha vía de alta capacidade para a principal vía de comunicación de entrada e saída da cidade e atenúe o déficit de infraestruturas de Viveiro e dos concellos da Mariña Occidental.
As principais melloras, orzamentadas en 13,4 millóns de euros, son os sete novos carrís de adiantamento (cinco en dirección a Cabreiros e dous en dirección a Viveiro), estes novos tramos con posibilidade de adiantamento que suman un total de 4,6 kilometros, rectificación nalgunhas curvas, melloras de seguridade nos cruces e reforzamento do firme nos 35 kilometros do proxecto (dende o kilometro 5 ata o 39,5).
En Por Viveiro queremos facer unhas propostas que melloren o proxecto, faciliten a circulación e potencien a seguridade na estrada LU-540.
1.- En Landrove, na intersección coa estrada LU-161, o acceso do trafico procedente de Viveiro a estrada LU-161 realizase con pouca visibilidade, o que tamén aplica nos cambios de sentido en dirección Viveiro, sendo este o principal punto de risco de accidente da LU-540, solicitamos a inclusión no proxecto de reforma da LU-540 das melloras necesarias para evitar os riscos de seguridade mencionados.
2.- A rotonda de acceso o polígono industrial de Landrove, e moi escasa e os camións teñen dificultades para realizar a manobra, solicitamos a inclusión no proxecto de reforma da LU-540 das melloras necesarias que faciliten a accesibilidade do trafico pesado o polígono.
3.- En Mosende no concello de Ourol, actualmente a estrada está limitada a 50 km/h , manténdose esta limitación no proxecto de reforma da estrada, solicitamos a inclusión no proxecto de reforma da LU-540 das melloras necesarias que posibiliten a eliminación do limite de velocidade e permita circular a 90 km/h en todo o traxecto entre os puntos kilometricos 5 e 39,5.
Por todo o exposto anteriormente, o Grupo Municipal de POR VIVEIRO traslada a seguinte proposta de acordo para a súa aprobación en pleno:
1. Instar a Xunta de Galicia a incluír os tres puntos expostos anteriormente no proxecto de reforma da estrada LU-540.
2.- Trasladar este acordo a Mancomunidade de concellos da Mariña, para que valoren solicitar o goberno autonómico o cumprimento dos devanditos tres puntos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
