Ribadeo, 28 de abril de 2022. O Concello realiza obras de mellora no Teleclube de Arante. O investimento, procedente de fondos propios, ascende a 14.000 euros. Os traballos foron supervisados hoxe polo alcalde, Fernando Suárez, e polo concelleiro de Medio Rural, Marcos Villamil.
O edil dixo que “seguimos co noso proxecto de mellora das escolas municipais e Teleclubes das nosas parroquias. Hoxe viñemos supervisar os importantes traballos de mellora que estamos a facer no Teleclube de Arante”.
Villamil explicou que “ademais dunha mellora na accesibilidade e da estética en xeral coa pintura do edificio, mellorouse a instalación eléctrica e creouse un baño adaptado no interior do edificio coa súa correspondente foxa séptica estanca. Tamén estamos colocando unha importante carpintería de aluminio para illar convenientemente o cobertizo anexo, xa que se atopaba practicamente en abertal, e tamén nunha pésima situación de estética”.
O concelleiro de Medio Rural sinalou que “estas eran as demandas que a asociación de veciños de Arante nos tiñan feito e que, logo das correspondentes autorizacións hidráulicas, comprometémonos a facer”.
E subliñou que “para iso, desde o Concello destinamos 14.000 euros de fondos propios municipais para acometer estas melloras necesarias, estando agora as obras a piques de rematar. Agardamos logo que o disfruten os veciños e as veciñas de Arante, e desde o goberno municipal seguiremos mellorando o resto de escolas municipais e Teleclubes do noso Concello”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
