Foz, 25 de abril, 2022. A asociación cultural A pomba do arco organiza esta semana a VI edición das xornadas sentirmos a arte. Segundo sinalou o directivo da entidade e artista plástico Daniel Río “Caxigueiro” “o obxectivo desta actividade que se celebrarán entre o 25 e o 29 de abril no salón de actos da Casa da Cultura de Foz é achegar diferentes expresións da creación artística ao conxunto dos veciños da comarca no marco do mes da arte organizado polo colectivo Tá que ao longo de todo o mes desenvolverá diferentes actuacións na Mariña de divulgación da actividade artística”. Na mesma liña Caxigueiro “expresou o convencemento da asociación respecto da consolidación dunha actividade que deu aberto un espazo para o dialogo sobre a arte grazas a resposta da veciñanza da zona a quen queremos convidar a que participen da mesma”.
O que transcende á mirada Ignacio Castro
O luns 25 de abril ás 20.30 no salón de actos da Casa da Cultura de Foz arrancan as xornadas coa palestra “ O que transcende á mirada” de Ignacio Castro. Castro, veciño de Lourenzá, significase como fotógrafo cunha ampla obra neste ámbito, onde destaca a súa colaboración con diversos proxectos literarios
O mural cerámico. Sabela Arias
O martes 26 de abril ás 20.30 o salón de actos da Casa da Cultura de Foz acollerá a segunda das palestras. Nesta ocasión tócalle a quenda a artista plástica, Sabela Arias, cun relatorio titulado “Falando do cotiá”. Arias é pintora e ilustradora gráfica, mantendo unha banda de humor en diversos medios de prensa galegos.
Un proxecto de vida?. Mauro Leivas
O mércores 27 de abril ás 20:30 terá lugar na Casa da Cultura de Foz a terceira das sesións de debate. O protagonista neste día será o pintor mindoniense, Mauro Leivas. Leivas autor dunha ampla obra pictórica que o ten convertido nun dos artistas plásticos máis coñecidos da Mariña disertará sobre a súa arte, baixo unha palestra titulado “Un proxecto de vida?
Atrezzo.Territorio. Cristian Villamide
O xoves 28 de abril ás 20:30 terá lugar na casa da Cultura a clausura desta VI edición das xornadas Sentirmos a arte cunha palestra a cargo de Cristián Villamide. Villamide, nado en Lugo en 1966 é un artista multidisciplinar, con traballos no ámbito da escultura, da fotografía, da pintura e das instalacións. A súa palestra vai xirar sobre a relación entre o atrezzo e o territorio.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
