Santiago de Compostela, 8 de abril de 2022. A portavoz nacional do BNG, Ana Pontón, afirmou que ante a crise económica como a que estamos vivindo, “un goberno do BNG na Xunta impulsaría a tarifa eléctrica galega, impostos ás eléctricas, rebaixas das peaxes, axudas para os sectores produtivos e medidas sociais para as familias máis vulnerables.
Na súa visita a Lugo, Pontón aludiu á situación política galega e a volta de Feixóo a Galiza tras a súa xira como presidente do Partido popular da que dixo, os galegos e galegas non merecemos ter un “presidente parcial e un goberno paralizado na Xunta” máis pendente da “sucesión interna no Partido popular” que dos problemas da cidadanía.
Hoxe, dixo, Pontón, a Xunta celebra o seu Consello e agardamos desta reunión “algunha medida” para paliar a crise económica. Levamos dous meses nos que a Xunta non “tomou ningunha medida” ante a escalada de prezos e moito nos tememos que hoxe volveremos a ver “fume” en vez de medidas reais para as persoas que non poden pagar a luz a final de mes e a subida dos carburantes. Dende o BNG, afirmou, tomariamos medidas contundentes para defender “unha tarifa eléctrica galega para beneficiarnos da riqueza eléctrica en Galiza, subirlle os impostos ás eléctricas para que contribúan a paliar a crise e rematar cos “beneficios caídos do ceo”, poñer en marcha unha batería de axudas extraordinarias para os sectores produtivos, prezos xustos para cumprir coa cadea alimentaria, reducir as peaxes das autoestradas e incrementar as axudas sociais”.
Estas, recalcou a nacionalista, “serían as medidas que estaría impulsando un goberno dirixido polo BNG”, un goberno centrado en ofrecer solucións aos problemas dos galegos e galegas pero lamentablemente estamos ante un goberno da Xunta “paralizado por unha crise de corrupción do Partido Popular, que estes días volve a agromar”.
A xuízo da líder os BNG, “as augas no PP non van tranquilas e existe unha loita de poder entre as baronías” e o máis grave, é que na maior crise dos últimos 37 anos , “o Goberno galego está fóra de xogo”.
Os galegos e galegas recalcou Pontón, “merecen respecto” e pedimos “ao presidente da Xunta en funcións e ao goberno que aparquen o seu sudoku interno e a guerra interna de poder” que hipoteca o futuro de Galiza.
Os gobernos do BNG impulsan cidades para as persoas, non para os coches
Tras a súa visita A Mosqueira en Lugo, a portavoz nacional do BNG afirmou que esta actuación urbanística responde “ao cambio da cidade” impulsado pola entrada do BNG no goberno municipal, hai dous anos e medio. Nese momento, explicou xa deixamos claro que viñamos a mellorar a calidade de vida e a dinamizar o goberno municipal.
Neste sentido, afirmou que a transformación urbana debe procurar “cidades para as persoas e non os coches”. Temos que acadar espazos urbanos accesibles e igualitarios e iso responde a unha esa concepción política en base a un novo modelo de cidade, como xa acontece en Pontevedra. As cidades do século XXI deben estar ao servizo da cidadanía e ser motor de economía.
Pontón parabenizou ao equipo municipal do BNG e ao tenente de Alcalde, Rubén Arroxo por impulsar a transformación da cidade de Lugo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
