Santiago de Compostela, 6 de abril de 2022. O deputado do BNG, Luís Bará formulou unha pregunta ao goberno sobre a distribución de fondos públicos a entidades locais mediante convenios e acusou á Xunta de beneficiar aos gobernos municipais do PP a través dos citados convenios.
O deputado puxo diferentes exemplos para demostrar o “tratro de favor” por parte do Goberno aos concellos do Partido popular en obras para a construción de auditorios, infraestruturas e medio ambiente. Con respecto aos auditorios municipais explicou que descoñecemos os criterios para a súa financiación e incluso “porqué a consellaría de Medio Ambiente tamén financia estas actuacións como nos últimos dous anos coa financiación de dous auditorios en dous concellos con porto de mar, Marín e Ribeira”. Ao lado de Marín, dixo Bará, hai outro concello que tamén ten porto de Mar pero a Bueu a Xunta respondeulle que non “achegará fondos” este ano.
Curiosamente, Riberia si contou con tres convenios por valor de 1,4 millóns de euros mentres a Bueu lle respondían que non había fondos. Ribeira, ademais de ser Porto de Mar é un concello gobernado polo Partido popular e vostedes “asinan a dedo os convenios”.
Pola súa parte, a Axencia Galega de Infraestruturas tamén asinou distintos convenios con 12 concellos dos que “só dous non son do PP”. Repartiron 6 M€ e os dous concellos reciben o 6% dos fondos, “as grandes cantidades van para os concellos gobernados polo Partido popular”.
Para o deputado, as “practicas caciquís” de Medio Ambiente son a guinda deste proceder partidista, con “20 anos de cacicadas con máis de 320 actuacións e 150 millóns de euros”, a maioría a través de convenios “a dedo”.
Que teñen que ocultar para non remitir ao Parlamento a documentación que solicitamos dende o ano 2021?
Tras intervención da Directora Xeral de Turismo, Nava Castro, o parlamentario recalcou que “non existe igual trato” para as distintas entidades locais e insistiu en que existe “unha clara discriminación do reparto dos fondos” aínda que o Partido popular tente “disfrazar a realidade” porque os fondos son repartidos entre os concellos por unha parte, a través do Fondo de Cooperación Local, as convocatorias de subvencións e en terceiro lugar, os convenios. Os convenios representan un terzo das transferencias aos concellos anualmente, más de 100M€ e nos convenios, reiterou, é onde se produce “un uso partidista escandaloso”.
O deputado utilizou o Plan Urbe publicado no DOG para demostrar que un gran número de concellos foron beneficiados con diversos convenios no período 2020 no que “de 75 concellos, só hai un que non pertence ao Partido popular”. Si foron repartidos 130M€ do Plan Urbe en doce anos con 350 actuacións, “solicitamos a información sobre as cantidades recibidas”. Vostedes en realidade, non queren establecer a visualización das cantidades totais como recomenda a FEGAMP porque nese momento, quedarían ao descuberto “todos os repartos discrecionais”. Porque non nos dan esta información? Que queren ocultar? preguntou o nacionalista.
Ante as denuncias sobre o “reparto irregular dos fondos”, o Partido popular, tentou maquillar do ano 2021 ao 2022, a través dunha convocatoria de subvencións do Plan Urbe cunha partida de 7€ pero “trampearon a convocatoria pública destinando só 1,3 M€” e o resto foron entregados “a dedo”, esta, recalcou, Bará “foi a trampa”. No ano 2022 teñen de novo 7 millóns de euros pero a ver cantos destinan en subvención e cantos “a dedo”.
Finalmente o deputado afirmou que resulta “indignante” o trato de favor da Xunta aos concellos gobernados polo PP, un trato discriminatorio e “unha desviación de poder”. Durante 13 anos, vostedes deron a dedo máis de 1.600 millóns de euros a concellos do Partido popular, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
