Burela, 6 de abril, 2022. A nova obra da Compañía Pedras de cartón que nace na Coruña, mais cunha visión aberta ao exterior, coa intención de crear espectáculos de teatro clásico que podan chegar ao maior número de públicos posible.
A compañía conta para esta tarefa con profesionais cunha ampla traxectoria no teatro para a infancia e a xuventude, da man de Juan Rodríguez, socio fundador de Caramuxo teatro.
Co primeiro espectáculo, Lazaro de Tormes, conseguen unha Mención Especial do Xurado no 43º Festival Internacional de Teatro Clásico de Almagro.
Pedras de Cartón aposta por adaptar os clásicos a novas linguaxes e estéticas, que podan resultar atractivas para o público máis mozo.
Quixote é o segundo espectáculo de Pedras de Cartón. Esta vez afrontase o texto de Cervantes, un dos máis coñecidos da literatura española, contado en clave de comedia.
Cunha estética inspirada no pallaso clásico (moi ao estilo Fellini ) e en clave de clown, traballando as escenas máis icónicas da novela, da relación antogónica entre Quixote e o seu fiel escudeiro Sancho.
En canto aos elementos escénicos, cóntase cunha proposta que evoca o circo clásico. Un Velocípedo no que vai montado Quixote é Rocinante, e un triciclo no que vai montado Sancho é o peculiar Rucio, o asno de Sancho Panza. Os dous elementos están fabricados por un artesán coruñés e feitos a medida para o espectáculo.
Rocinante é delgado, branco e elegante. Rucio un asno cargado de maletas ( neste caso o triciclo vai cargado de vellas maletas de madeira).
Ao fondo da escena xógase cuns paneis de madeira que representan diferentes figuras xeométricas que combinan listóns de madeira e teas de raias con aire castelán.
Na parte dianteira, ao estilo dun vello circo, colócanse unhas candilexas que aportan unha bela luz cálida á escena e delimitan a pista do circo.
O resto de elementos de atrezo e de escena ( maletas, muíños de vento para a escena dos muíños, libros e teas) xogan unha estética que camiña entre o antigo e o circense.
A banda sonara orixinal está creada, ao igual que na anterior peza “Lazaro de Tormes” , por Davide González. Para a banda sonora inspirouse no cinema de Fellini levado ao universo quixotesco.
Para o vestiario contouse con Diego Valeiras , que re-interpreta a esencia do pallaso clásico, para adaptalo á imaxe icónica de Don Quixote e Sancho Panza.
A dramaturxia do espectáculo é de Juan Rodríguez, que realizou a adaptación sen texto do Lázaro de Tormes.
A dirección é de Laura Sarasola, de Caramuxo Teatro, que dirixiu conxuntamente con Pablo Sánchez o anterior espectáculo da compañía .
Quixote está interpretado por Juan Rodríguez, que representou máis de 20 espetáculos para a infancia e a xuventude con Caramuxo Teatro, cos que conseguiu o María Casares ao mellor espectáculo infantil e recoñecementos na Red Nacional de Teatros, entre outras mencións.
Sancho Panza está representado por Pablo Sánchez, un profesional cun recoñecido traballo no campo do clown e o teatro físico, que participou en espectáculos de compañías como San & San, Elefante Elegante, Teatro dos Ghazafelhos, Os Contos de Pablísimo ou Trinke Trinke.
QUIXOTE é un xogo cómico inspirado na coñecida obra de Miguel de Cervantes. Un espectáculo para achegar os clásicos a toda a familia, nunha proposta chea de humor e case sen palabras, na que Don Quixote viaxa polas terras de Castela no seu velocípedo, acompañado do seu fiel Sancho e un triciclo cargado de maletas.
Ficha do espectáculo:
Dramaturxia: Juan Rodríguez.
Dirección : Laura Sarasola.
Quixote: Juan Rodríguez.
Sancho: Pablo Sánchez.
Luces: Dani Pais.
Banda sonora: Diego Valeiras.
Atrezo: Pedras de Cartón e Tigre de Papel.
Técnico: Suso Jalda.
Voces: Laura Sarasola e Juan Rodríguez.
Duración do espectáculo: 50 minutos.
Público: Infantil – Familiar ( +3 anos).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
