Lugo, 5 de abril de 2022. O Pleno da Deputación de Lugo aprobou as propostas de actuación presentadas polos concellos para financiar con cargo ao Plan Único de Cooperación cos Concellos, así como as transferencias de crédito necesarias para adecuar os orzamentos provinciais a esas demandas. En total, o Plan Único suporá un investimento directo de 21,5M€ por parte da Deputación de Lugo, e mobilizará 25,1M€, tendo en conta as achegas que os propios concellos realizan para cofinanciar os proxectos.
Dacordo coas peticións realizadas polo concellos, os fondos provinciais distribuiranse así: 14,7 M€ destinaranse investimentos en estradas e outras infraestruturas, 2 M€ ao Servizo de Axuda no Fogar, 3,6 M€ a iniciativas de fomento de emprego, 360.000 € a actividades culturais, 128.900 € a actividades deportivas, 138.200 € a iniciativas vinculadas ao turismo, 115.500 € á organización de feiras e mercados, 179.000 € a actuacións relacionadas coa administración electrónica e a protección de datos, 14.500 € ao financiamento de servizos de Protección Civil e 202.800 € a actuacións relacionadas coa situación sanitaria provocada pola Covid-19.
A vicepresidenta da Deputación de Lugo, Maite Ferreiro, explicou que “coas transferencias aprobadas no Pleno dótase ao Plan Único dos recursos necesarios para levar a cabo todas as actuacións propostas para os concellos, que suporán unha mellora das condicións de vida de todos as veciñas e veciños” e reafirmouse na “importancia do Plan Único como mecanismo de distribución equitativa de fondos” ao tempo que “instou á Xunta de Galiza a aplicar criterios obxectivos á hora de repartir axudas aos concellos”.
Maite Ferreiro engadiu que “as propostas achegadas polos concellos demostran que o Plan Único reporta uns recursos fundamentais para o mantemento de vías municipais e doutras infraestruturas” e destacou tamén que “as actuacións relacionadas con actividades culturais, deportivas ou feiras e mercados dobraron o seu importe con respecto ao último ano”, explicando que “co traballo desenvolvido durante estes tres anos arredor do Plan Único se incentivou o investimento por parte dos concellos en políticas e iniciativas culturais e deportivas, que teñen un papel moi importante na dinamización económica e social”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
