Cervo, 30 de marzo de 2022. O Concello de Cervo vén de solicitar á Deputación de Lugo que asuma os Grupos de Emerxencias Supramunicipais (GES) para avanzar nunha mellora da xestión e da atención das emerxencias na provincia de Lugo. O alcalde, Alfonso Villares, remitiu un escrito ao presidente da Deputación de Lugo, José Tomé, para formalizar esta petición ante a administración provincial.
COMPETENCIA DAS DEPUTACIÓNS
Na misiva, Cervo lembra que a lexislación vixente establece que a atención das emerxencias é unha competencia de carácter local, que corresponde á propia Deputación provincial naqueles municipios de menos de 20.000 habitantes que, no caso da provincia de Lugo, son todos menos o da capital.
En concreto, así se recolle na Lei 7/1985 reguladora das Bases do Réxime Local, na Lei 5/1997, de Administración Local de Galicia e, como norma máis recente, na Lei 5/2007 de Emerxencias de Galicia, aprobada polo Goberno autonómico bipartito.
“A letra d) do artigo 26 da Lei de Emerxencias autonómica indica claramente que son as provincias as que deben garantir a prestación do servizo de protección civil e de xestión das emerxencias, naqueles municipios de menor tamaño que non dispoñan de servizos propios por non resultar obrigados”
Baseándose nese mandato normativo e competencial Cervo require á Deputación de Lugo que asuma unha maior implicación tal e como fai agora, por exemplo, coa xestión directa dos parques comarcais contra incendios.
Cervo lembra que os GES son un servizo esencial, cuxa continuidade debe blindarse, ao tratarse dos servizos de emerxencia máis próximos aos cidadáns e os primeiros en prestar unha resposta rápida ante unha emerxencia.
MÚLTIPLES VANTAXES
Que a Deputación de Lugo asuma a xestión directa dos GES suporía ademais múltiples vantaxes desde o punto de vista organizativo e tamén beneficios laborais para os profesionais que forman parte destes grupos.
Así por exemplo, para un mellor funcionamento sería importante garantir que os GES estean xestionados e coordinados desde un ente supramunicipal, como é o caso da Deputación, e non polos concellos nos que teñen a súa sede, como acontece ata o de agora. De feito, o ámbito de actuación dos GES na atención das emerxencias transcende ao do concello matriz, estendéndose a municipios da súa contorna, aínda que funcionalmente dependan da administración municipal na que teñen a súa base.
A integración na Deputación tamén traería melloras desde o punto de vista laboral para o persoal deste servizo, pois sería un avance decisivo cara a especialización e profesionalización deste grupos, así como permitiría facer máis sinxelo que o seu labor se centre en actuacións en materia de protección civil e prevención das emerxencias.
DEBATE NO MOMENTO IDÓNEO
Cervo considera que este é o momento idóneo para impulsar esta petición, como parte do debate aberto a instancias da propia Deputación de Lugo quen, nas últimas xuntanzas da Comisión de seguimento do convenio GES, apostou por reformular o modelo de xestión destes grupos.
De feito este foi un dos argumentos empregados desde a administración provincial lucense para asinar a prórroga do convenio de financiamento dos GES tan só por un ano e non por tres, como acontecía ata o de agora, aducindo a necesidade de buscar e consensuar durante este tempo, entre todas as partes, fórmulas para mellorar o sistema de prestación do mesmo.
Cervo lembra tamén que o feito de que a renovación do convenio fora por só un ano implicou o sacrificio de certas melloras. Así os concellos que son sede dun GES deixaron de percibir 40.000 euros anuais, cantidade que si perciben todos os concellos da provincia de Ourense que teñen GES porque a entidade provincial si quixo renovar ese convenio por tres anos.
“Concordamos en que hai que seguir avanzando na mellora do funcionamento e operatividade dos GES e creemos que a mellor fórmula é que pasen a estar xestionados pola Deputación. Unha sociedade moderna e segura ten que contar cuns servizos de emerxencia ben preparados que poidan facer fronte a calquera incidencia, salvar vidas e evitar danos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
