Foz, 14 de marzo de 2022. O goberno municipal de Foz continúa co traballo en distintos plans e documentos que son fundamentais para o Concello. Tal e como informou o alcalde, Fran Cajoto, no anterior pleno da corporación municipal, o Concello programou unha presentación para este venres 18 na Casa da Cultura ás seis da tarde, aberta a todas as veciñas e veciños, para expoñer ao público o Plan de Mobilidade, que se encontra en fase de alegacións pois é un documento marco que pode ser susceptible de melloras.
O rexedor municipal explica que “a empresa contratada contou coa colaboración de todos: veciñas e veciños de a pé, asociacións veciñais, departamento de urbanismo e Policía Local e os distintos partidos políticos. O resultado é un documento de desenvolvemento estratéxico do concello, no que se fomentan formas de desprazamento sostibles -camiñar, bicicletas e transporte público- e se racionaliza o uso do vehículo privado. É un documento fundamental para empezar a casa polos cimentos e facer as obras con criterio, pensando nas consecuencias. Todos sabemos os atascos e problemas de tráfico que causou no anterior mandato a decisión de dispoñer a rúa Álvaro Cunqueiro e a Avenida da Mariña no mesmo sentido de circulación. O Plan de Mobilidade estuda e planifica a vila e o concello no seu conxunto: a urbanización da rúa Costa do Castro e a reforma en Limoeiros estanse a facer xa contando co Plan de Mobilidade. Apostamos por un Foz respectuoso e ordenado”.
Rueiro
O Concello de Foz avanza tamén noutro documento técnico, a actualización do rueiro, financiado con cargo ao Plan Único 2021. “Todos sabemos dos problemas que se producen no servizo de Correos e de paquetería en moitas vivendas do noso concello: é por iso que se está avanzando na actualización do rueiro, pasando do formato papel ao dixital e deixando a previsión de numeración naqueles solares pendentes de edificar. É un traballo complexo e pode haber erros. É por iso que tamén se pide a colaboración das asociacións de veciños e dos partidos políticos, para que podan analizar o traballo feito ata o de agora e detectar aqueles fallos que se puideron cometer. Neste caso avanza o alcalde a reunión está programada para o vindeiro luns, 21 de marzo. Nunha fase posterior serán as veciñas e veciños as que lle poñan nome a aquelas rúas que non o teñen, en base a unha serie de propostas”, anuncia o alcalde.
Fran Cajoto engade: “estamos certamente sorprendidos pola forma de oposición do Partido Popular de Foz, que reclama aquilo que xa está en marcha ou que está programado para un corto espazo de tempo. Pero, en definitiva, tamén estamos satisfeitos porque o Partido Popular recoñece as xestións que facemos día a día. Seguimos traballando nun pobo planificado, pero tamén nun pobo máis limpo e cos xardíns mellor coidados: avanzamos, pero aínda nos queda moito para acadar os obxectivos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
