Santiago de Compostela, 12 marzo 2022.- O BNG celebrou en Santiago un encontro nacional con responsables locais e comarcais de todo o País para preparar a súa estrutura organizativa co obxectivo de enfrontar a grave crise derivada da escalada dos prezos que atravesa Galiza e mobilizar a organización de cara ás municipais 2023, nas que sairá “a por todas”.
Así o explicou a responsable da Área de Organización, Lucía López Sobrado, quen advertiu da preocupante situación que vive o País nos planos económico e social e que se está a volver “case insostíbel” para moitas galegas e galegos, “especialmente nas clases populares” onde, segundo subliñou, “se está a experimentar un empobrecemento paulatino que afecta a milleiros de persoas”. Fronte a esta situación, avanzou que o Bloque porá en marcha unha campaña de mobilizacións e de contacto social encamiñada a denunciar unha escalada de prezos “que abocan á pobreza á maioría social” e “para dar resposta ás necesidades das galegas e os galegos neste momento crítico”.
López Sobrado reprobou que se estea a utilizar “unha situación tan dura e cruenta como é o conflito bélico na Ucraína” como pretexto para introducir máis precariedade na clase traballadora galega “e xustificar así unha escalada de prezos que desde hai meses vimos padecendo na electricidade, nos combustíbeis ou na cesta da compra e que agora -incidiu- xa comezamos a ver graves consecuencias coa paralización da produción en empresas e abocando ao peche ou ao endebedamento a numerosos sectores”. “Todo isto mentres as grandes eléctricas seguen engordando os seus beneficios e dándose apertas co PP para impedir que o noso País poida contar cunha tarifa eléctrica galega que permitiría abaratar o recibo da luz”, recriminou.
Por outra banda, a responsable da Área de Organización sinalou o reto que supón para a formación nacionalista as vindeiras eleccións municipais de 2023 e, neste sentido, asegurou que o Bloque “está no mellor momento da súa historia e saímos a por todas”. Así, e poñendo en valor a implicación do conxunto da organización, amosou o seu convencemento de alcanzar un gran resultado fortalecendo a presenza do BNG nos concellos e avanzando na representación institucional do nacionalismo galego a nivel municipal onde, segundo remarcou, ten sobradamente demostrado “que é quen de construír proxectos municipais transformadores e de referencia”.
Nesta liña, agradeceu o traballo da militancia, salientou a fortaleza da organización e apostou por seguir aumentando a súa base social: “Por riba de cada unha de nós está o traballo colectivo e a defensa de Galiza e do pobo galego”, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
