Foz, 9 de marzo de 2022. O Concello de Foz presentou no día de hoxe, dentro do prazo legal establecido, alegacións ao Proxecto Autovía A-74, de A Mariña. Tramo: Burela-Foz. O documento está a disposición de todas as veciñas e veciños no portal de transparencia do Concello, url: https://concellodefoz.sedelectronica.es/transparency/ac62c8fd-b1af-4a5b-b8db-9cd60afefb1b/
O alcalde, Fran Cajoto, explica que “o Concello de Foz continúa a facer os deberes. O 11 de febreiro mantiñamos unha xuntanza de traballo coa subdelegada do Goberno Isabel Rodríguez; o xefe da Demarcación de Carreteras del Estado en Galicia, Ángel González del Río; a xefa de unidade Beatriz González del Riego e outros técnicos. Co traballo saído desta xuntanza e un detallado estudo do documento feito desde o Concello sae este documento de alegacións”.
O rexedor municipal destaca que “a autovía é un proxecto moi importante, crucial, para Foz e para toda a comarca. A nivel local dispoñer dunha autovía vai servir para potenciar o parque empresarial e que máis persoas nos veñan visitar, ademais da redución de tráfico en travesías tan perigosas como son as de Fazouro, Nois e Cangas. Estamos a falar dunha estrada nacional que ten unha intensidade de tráfico máis elevada que a autovía A-8 (máis de 10.000 vehículos ao día, chegando a 15.000 en verán) e con vivendas ao seu carón. Esperamos que se aceleren todos os trámites e que a Xunta de Galicia poña en marcha tamén a variante de Viveiro, que aínda non ten proxecto: a Mariña precisa de autovía”.
O alcalde pon en valor a autovía, pero “un proxecto de tal envergadura contén erros ou omisións que son importantes para o Concello. Presentamos alegacións co único obxecto de mellorar o proxecto, queremos que a autovía se faga ben e rápido. Na planimetría dos enlaces de Cangas e de Foz -este último en Fazouro, próximo a Pardiñas- non se tiveron en conta as persoas que se desprazan a pé ou en bicicleta: queremos que os enlaces non supoñan un obstáculo, que haxa permeabilidade. Por iso plantexamos no documento de alegacións solucións para dotar aos enlaces de sendas e pasos a distinto nivel, de forma que as vivendas de Cangas non queden illadas pola autovía ou que calquera veciño poda achegarse a traballar a pé ao parque empresarial de Foz con seguridade. Outras alegacións consisten na mellora do enlace de Foz, plantexando un acceso directo á zona urbanizable que está pendente de desenvolvemento, e un carril adicional de acceso á autovía para mellorar a capacidade do enlace”.
Fran Cajoto engade que “o proxecto ten un impacto evidente sobre as infraestruturas existentes. Plantexáronse modificacións para a mellora na reposición da estrada LU-P-2007, que une Nois con Cordido, hai alegacións sobre a reposición de varios camiños que consideramos deben ser subsanadas, pedimos un estudo sobre o impacto e o posible cambio de tipoloxía dunha obra de drenaxe na parroquia de Fazouro e o estudo de diversas afeccións sobre a rede de abastecemento municipal. Agora era o momento, para que no documento definitivo e no Proxecto Construtivo haxa o menor número de erros posibles e por tanto a infraestrutura se constrúa coa menor das afeccións”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
