Lugo, 21 de febreiro de 2022 . A Vicepresidencia da Deputación de Lugo colaborará na reforma do campo de Lavandeiras en Viveiro. O deputado de Deportes, Efrén Castro, ratificou o compromiso para cofinanciar a renovación destas instalacións deportivas, situadas en Celeiro, nunha reunión mantida esta mañá no Pazo de San Marcos coa alcaldesa de Viveiro, María Loureiro, e coa directiva do Celeiro Club de Mar.
A área de Deportes achegará 40.000 euros para financiar a actuación demandada polo club local de dotar o campo das condicións necesarias para adestrar e xogar, concretamente unha zona de vestiarios e servizos de auga e luz.
Efrén Castro explicou que “hai meses mantivemos unha reunión co club na que xa manifestaramos a nosa disposición a colaborar. No encontro desta mañá ratificamos o noso compromiso en base a un proxecto e un orzamento concreto, elaborado polo Concello de Viveiro e que require tamén a implicación da Xunta de Galiza”.
“Agardamos que este acordo supoña un impulso definitivo de cara a execución das obras, que dotarían o barrio de Celeiro dunhas instalacións propias e acondicionadas para a práctica deportiva desde as categorías de base”, sinalou o responsábel provincial.
O proxecto de reforma, que o Concello de Viveiro cifrou en 120.000 euros, inclúe a instalación no recinto de casetas de vestiarios, banquiños e un valado perimetral entre o terreo de xogo e a zona de público, dacordo coas normas sobre instalacións deportivas. Ademais, modificarase a instalación eléctrica do campo para que os proxectores actuais conten cunha subministración propia.
O secretario do Celeiro Club del Mar Martín Rodríguez explicou tras a xuntanza que “a reforma do campo de Lavandeiras é un dos obxectivos da entidade desde que en 2014 retomaron o fútbol en Celeiro”. O equipo, que compite en Terceira Autonómica, ven empregando para adestramentos e partidos o campo de Trasvías de Galdo, ante a falta de instalacións adecuadas en Celeiro.
“Sempre estivemos pelexando por xogar no campo de fútbol de Lavandeiras en Celeiro pois é a nosa casa e, despois da reunión de hoxe, ese día parece máis cerca. Xogar no noso campo sería un plus para o equipo, pero tamén para o concello porque nos animaria a sacar adiante un proxecto de fútbol base”, afirmou
Apoio ao deporte na Mariña
A achega para a reforma do campo de Lavandeiras engádese a outros proxectos, realizados ou en proxecto, coa colaboración da Vicepresidencia da Deputación de Lugo, entre eles a renovación do campo de tiro de San Roque, tamén en Viveiro, a construción dunha pista polideportiva en Ribadeo, as reformas do campo municipal de Malates, en Foz, e do Árbol, no Valadouro, ou o acondicionamento das instalacións dos clubs de piragüismo Kayak e Altruán. O apoio ao deporte da Mariña concrétase tamén en distintas liñas de axuda anuais a clubs e entidades deportivas da comarca, que en 2021 sumaron preto de 350.000 euros
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
