Ribadeo, 11 de febreiro de 2022. O Concello presenta Ribadeo Suma, un novo proxecto para este 2022, que incidirá nos eidos do emprego, as empresas, o emprendemento, a dixitalización e a sostibilidade e que pretende mellorar o benestar da poboación. O programa arrinca xa neste mes de febreiro.
O concelleiro de Desenvolvemento Local, Pablo Vizoso, explica que “o ritmo de desenvolvemento social, tecnolóxico e económico actual puxo de manifesto xa hai un tempo que é preciso aplicar de novos enfoques para acadar un modelo de convivencia moito máis inclusivo e sostible, que garanta o benestar da poboación a longo prazo”.
O edil ribadense dixo que “na época onde as présas mandan e todo semella desbotable, parece preciso mudar certos hábitos e adquirir coñecementos que nos permitan avanzar como sociedade,mantendo o equilibrio entre progreso e sostibilidade. Dende o Concello de Ribadeo consideramos que non podemos quedarnos atrás mirando a outro lado sen ter en conta estas novas necesidades que están xurdindo”.
Para Vizoso Galdo “por unha banda,é preciso acurtar as diferenzas económicas e culturais que existen entre a poboación,sendo polo xeral as persoas cun nivel formativo máis baixo as que adoitan atoparse coas maiores dificultades á hora de atopar un emprego e xerar recursos que lles permitan vivir de xeito independente e desenvolverse no seu día a día. O eido tecnolóxico, un dos que máis avanzou nos últimos tempos, resulta ser un piar clave para o progreso, tanto para persoas desempregadas, para negocios e empresas xa asentadas, así como para novos emprendementos que xorden das novas necesidades. A dixitalización permite axilizar os procesos e ofrécenos novas canles e ferramentas que cómpre coñecer”.
O concelleiro de Desenvolvemento Local indicou que “o obxectivo que perseguimos sempre é mellorar e camiñar cara ao equilibrio entre progreso e sostibilidade, nun mundo onde os conceptos de reutilización, reciclaxe e consumo de proximidade cobran cada vez máis importancia. Por este motivo, e unha vez identificadas estas necesidades na nosa vila, dende o Concello de queremos apostar por un novo proxecto Ribadeo Suma. Trátase dun plan formativo para este ano 2022, onde terán cabida todas as persoas e sectores que o desexen: desempregadas, empredendedoras, produtoras, empresas… Ao longo do vindeiros meses iranse levando a cabo diversas accións formativas e tamén de lecer nos campos do emprego, emprendemento, negocios, dixitalización, sostibilidade e novos modelos económicos”.
Pablo Vizoso subliñou que “a primeira parte deste programa anual iniciarase este mesmo mes de febreiro con Ribadeo Suma Emprego, dirixido a persoas desempregadas ou que desexen mellorar a súa situación laboral. Os días 21 e 23 de febreiro na Aula CeMIT desenvolvera a acción formativa Competencias informáticas básicas, que está dirixida ás persoas que non posúen ferramentas informáticas ou que teñen coñecementos moi básicos destas. A continuación, e relacionado coas xornadas anteriores, o día 7 de marzo levarase a cabo unha formación sobre Como buscar emprego na rede. E os días 15,16 e 17 de marzo abordaremos Habilidades sociais para o emprego, onde se incidirá no proceso de busca de emprego a través da optimización das nosas características persoais”.
O edil nacionalista seguiu a relatar que “os idiomas tamén teñen cabida neste plan e dende o 22 de marzo ao 28 de abril impartirase Inglés para atención ao público, nivel básico. Este curso estará centrado na gramática básica, vocabulario e expresións útiles para o seu uso no día a día”.
O concelleiro de Desenvolvemento Local engadiu que “en marzo está previsto ademais que comece a funcionar o novo Portal de Emprego, que integra tanto a xestións das demandas das persoas desempregadas como as ofertas das empresas que están levando a cabo un proceso de selección de persoal. Ademais, e igual que se ven facendo outros anos en abril iniciarase tamén o Curso preparatorio para os exames de competencias clave nivel 2, nas materias de comunicación en lingua castelá, comunicación en lingua galega e competencia matemática”.
Vizoso Galdo manifestou que “con Ribadeo Suma Emprego queremos achegar a formación e o coñecemento a aquelas persoas que o precisen, para que se poidan desenvolver dun xeito práctico coas tecnoloxías e acadar un nivel que lles permita mellorar a súa empregabilidade”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
