Burela, 2 de febreiro, 2022. Na mañá de hoxe, unha representación de CCOO, formada por Gregorio Bermejo Verdejo, Coordinador do Sector Ferroviario en Galicia, Mª José Novoa Villarejo, Secretaria Xeral da Unión Comarcal de CCOO na Mariña, Ana María Sanmiguel Gómez, Secretaria Xeral da Sección Sindical de Adif-Renfe na provincia de Lugo e Sabas Martínez Rodriguez, Delegado Sindical de Adif en Ribadeo mantiveron unha xuntanza con Francisco Cajoto Caserío, Presidente da Mancomunidade de Concellos da Mariña e Alcalde do Concello de Foz para tratar a situación do estado da liña e servizos ferroviarios da rede de ancho métrico que discorre pola comarca.
CCOO indicoulle que desde hai moitos anos e sobre todo desde que se produciu a integración de FEVE en ADIF e Renfe, os investimentos limitáronse a actuacións puntuais de mantemento, proba diso é que existen limitacións temporais de velocidade desde fai máis de vinte anos e cando hai temporais prodúcense numerosos incidentes en trincheiras e zonas de árbores.
Tamén lla informou que as numerosas incidencias que se producen nos servizos de viaxeiros, con supresións e transbordos é debido a que unha parte da frota que se usa ten moita antigüidade e os trens menos antigos sempre deron moitos problemas por deseño de fabricación, ao que hai que sumar o deficiente mantemento pola falta de repostos debido aos escasos orzamentos para esta zona.
Outro dos asuntos tratados é a non presencia de persoal ferroviario nas estacións de Viveiro, Xove e Burela e obrigar aos viaxeiros para comprar os billetes nas máquinas autoventa instaladas nas estacións, cuestión que prexudica aos usuarios de idade avanzada.
Desde CCOO cremos que a oferta de servizos ferroviarios é insuficiente, xa que só hai catro servizos por sentido e día entre Ferrol e Ribadeo, dous dos cales son conexión con Asturias, e deberíanse realizar xestións para incrementar a oferta cun servizos de proximidade que nalgún caso terían que ser entre Ribadeo e Ortigueira para dar un servizo de calidade en toda a comarca para estudantes, traballadores e demais usuarios, e aproveitar a intermodalidade cos buses na estación de Burela para conectar co Hospital da Mariña e os Institutos.
Expuxémoslle que A Mariña é unha zona onde desprázanse moitos turistas en época estival, ademais de datas puntuais como a Semana Santa e eventos folclóricos e festivais musicais, polo que sería importante incrementar os servizos ferroviarios nestas datas e que se solicitase a construción dun apeadeiro xunto á Praia das Catedrais que é un dos puntos máis visitado de Galicia e parece inconcibible que non teña unha parada o ferrocarril.
Solicitámoslle que todos estes puntos trasládeos ao resto de municipios e que estamos dispostos a manter as reunións que sexan necesarias para informais, así como que se pida ao Ministerio de Transportes, Mobilidade e Axenda Urbana que se realicen todos os investimentos necesarios para a mellora da infraestrutura e servizos públicos ferroviarios.
Desde a Unión Europea hai unha aposta polo ferrocarril como medio de transporte máis ecolóxico e sostible e se teñen que presentar proxectos para que estean incluídos nos fondos do Plan de Recuperación, Transformación e Resilencia entre os cales deberían de incluírse os necesarios para o impulso desta liña ferroviaria.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
