Nota de Prensa
Visita do Grupo Parlamentario Socialista á Mariña Lucense
OS SOCIALISTAS DIN QUE A MARIÑA LUCENSE “É UN FOCO DAS POLITICAS REGRESIVAS DO GOBERNO DE FEIJOO”
– O portavoz do Grupo Parlamentario Socialista Xoaquín Fernández Leiceaga denunciou “o retraso manifesto na Vía de Capacidade da Costa Norte, o deterioro do Hospital da Costa, e a paralización das obras do Porto de Burela”
-Leiceaga anunciou que dende o Grupo Parlamentario Socialista “presentaremos as iniciativas que sexan precisas para que a Xunta axilice as axudas polas riadas”
-Mantiveron unha comida de traballo en Ribadeo, con tódolos alcaldes e portavoces da Mariña
Burela, 9 de xullo de 09. O portavoz do Grupo Parlamentario Socialista, Xoaquín Fernández Leiceaga acompañado dos deputados autonómicos lucenses do PSdeG-PSOE Ricardo Varela, Concepcion Burgo, Sonia Verdes, Jose Tome Roca e o deputado da Comarca Isamel Rego, mantiveron hoxe unha xuntanza de traballo co alcalde de Burela, Alfredo Llano e os demais membros da corporación socialista.
O alcalde bureles agradeceu a visita , e puxo en coñecementos dos deputados as distintas problemáticas do Concello. Asegurou que as iniciativas socialistas impulsadas dende o Parlamento “amosan o interese do Grupo Socialista para solventar os problemas dos burelenses, e en definitiva os problemas de toda a comarca da Mariña de Lugo”.
O portavoz do Grupo Parlamentario Socialista Xoaquín Fernández Leiceaga dixo que esta visita enmarcase dentro da axenda de contactos coas distintas comarcas de Galicia, e afirmou que a Comarca da Mariña de Lugo “esta nun lugar preferentes das nosas inquedanzas, tanto no tocante o terreo político como no tocante a dotación de servicios”, explicou.
Leiceaga denunciou “o retraso manifesto na Vía de Capacidade da Costa Norte”. Lembrou que nesta infraestructura, os dous tramos que hoxe están con actividade, foron licitados polo anterior executivo autonómico. E afirma que dende a chegada de Feijoo a Xunta houbo unha paralización desta infraestructura “non hai ningunha novidade nesta obra fundamental para vertebrar a Mariña cos focos de dinamismo de Ferrol e da provincia de A Coruña”, replicou.
Aludiu tamén ao Hospital da Costa . Dixo que “cada día que pasa asistimos a un deterioro do servicios hospitalarios como nos servicios de cardioloxía ou traumatoloxía. Subliñou que “hai unha centralización excesiva dos servicios hospitalarios”. Neste punto lembrou unha iniciativa do Grupo Socialista aprobada no Parlamento sobre o traslado das autopsias, e que “alertou” sobre esta situación. Engadiu en “hai que seguir insistindo en conseguir un Hospital integral para a Mariña de Lugo”.
Sobre o aceso e ampliación do Porto de Burela dixo que “estaban previstas estas obras”, e a día de hoxe “tampouco se sabe nada delas”. Relata que a realización destas infraestructuras “son fundamentais para que o peirao de atraque poida funcionar plenamente, e para que Burela poida ter un Porto deportivo á altura das súas posibilidades e con fin de que poida dinamizar o turismo náutico de toda a Mariña”. No que se refire ao aceso ao Porto lembrou que unha obra de competencia autonómica “que esta parada”, e advirte que coas recentes riadas quedou en malas condicións “que agora hai que solventar”.
Tamén se referiu ao saneamento e ao abastecemento de augas. Lamentou que falla por poñer en funcionamento a ETAP e no saneamento un proxecto de separativos de augas pluviais e residuais que xa fora presentado polo anterior Goberno autonómico “e hoxe esta anulado por Feijoo”, sentenciou.
Por último Fernández Leiceaga dixo que as axudas polas riadas que asolaron a Comarca “levan moito retraso”. Di que a Xunta decidiu ampliar o prazo para acceder as axudas pero advirte que no tocante as obras “levan un atraso moi importante e unha falla de axilidade que nos precoupa”. Por iso anunciou que dende o grupo Parlamentario “presentaremos as iniciativas que sexan precisas para que a Xunta tome cartas neste asunto” E insistiu “non parece moi sensato que se actúe deste xeito xa que este asunto é de máxima urxencia”, aseverou.
Mais de 60 iniciativas
Leiceaga entregoulle tamén ao Alcalde Alfredo Llano as mais de 60 iniciativas presentadas polo Grupo Parlamentario Socialista sobre Burela, no Parlamento.
Pola súa banda o deputado socialista da Mariña Ismael Rego criticou a folla de ruta de Feijoo na Mariña de Lugo. Criticou ás políticas “regresivas de Feijoo coa comarca”. E resumiu “ nin ao PP, nin a Feijoo se lle espera pola Mariña de Lugo, nin para dar boas nin malas noticias, porque a día de hoxe nin esta, nin se lle espera”. E resumiu “ o Goberno de Feijoo ten un cero en compromiso cos mariñaos”.
Axenda socialista
Xa ao mediodía o Grupo Parlamentario Socialista mantivo unha comida de traballo en Ribadeo, con tódolos alcaldes e portavoces da Mariña. Este encontro serviu para dar conta dos traballos que se desenrolan dende o Grupo Parlamentario Socialista. Teñen coma finalidade coñecer as demandas das agrupacións e alcaldías socialistas para poder facer propostas e iniciativas, dende o Hórreo, e encamiñadas a mellorar as súas demandas e inquedanzas.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
