Sen irnos a épocas pasadas ou a rememorar fazañas doutros tempos, que son moi respectables e aplaudidas, imos enfocarnos ou centrarnos nunha data crucial nestes últimos anos no que ten que ver co Campo Municipal Pepe Barrera.
No verán do 2019 daban comezo as obras tanto do céspede coma de parte do entorno do terreo de xogo, moi ambiciosas e moi xustificadas, xa que nos invernos o campo convertíase nunha autentica balsa de auga formándose unha lameira, que impedía a practica do xogo na meirande parte do terreo. Incluso se tratou en pleno esta preocupación, que era unha realidade, votouse por unanimidade esta mellora nesta instalación municipal e comprometéndose as tres administracións para o seu financiamento (Concello, Deputación Provincial e Xunta de Galicia).
En canto á repartición das achegas non foi a tan acaecida dos tres terzos. Se non que á hora de facer contas e poñer o ovo, uns puxeron a súa a parte, tal e como se comprometeran, e outros dese terzo que tanto cacarexaban pois nin a metade, e ollo se hai baixa tamén se resta da achega histórica. Claro está que esa parte que faltaba tiveron que asumila as outras administracións comprometidas, neste caso tocoulle ao Concello de Ribadeo, quedando reflectidas nun cartel con pictogramas claramente as cantidades atribuídas a cada unha das institucións que financiaron esta obra. Como din en dereito: non hai mais preguntas señoría.
Despois de recordar algo do pasado centrémonos na actualidade destes días. Saltaron todas as alarmas no seno do Grupo Popular de Ribadeo e no seu gabinete de asesores e expertos en campos de fútbol de herba natural criticando duramente ao Goberno Municipal, e loxicamente á Área que levo e represento con moito orgullo e paixón, polo mal estado do campo.
Non vou crear mais debate por que me parece inxusto ter tan pouca memoria e a pouca que se ten utilizala tan malevolamente. Pero si vou dar unha serie de datos sobre o que aporta o Pepe Barrera a todo o conxunto da veciñanza de Ribadeo. Si que hai que recalcar que é de titularidade municipal, polo que dentro das posibilidades técnicas e de uso está a disposición das entidades deportivas do concello e tuteladas polo estamento local.
Ese campo soporta uns sesenta partidos de liga, o trofeo Enma Cuervo, o torneo de veteranos, torneos da base do fútbol, amigables e dentro deste calendario inmenso e intenso ás veces incluso algún que outro adestramento. Claramente se non ten un traballo de mantemento o campo non chegaría nin a decembro e se isto non fose pouco temos que sumarlle que estamos no norte do país e no noroeste do Estado, onde as condicións climáticas para esta variedade de campo de herba natural son un hándicap.
O que repercute en disfrute este recinto de xogo para todas e todos, tanto rapazas coma rapaces, pais, nais, avoas, avós, familias, amigos e de mais. E tamén sentir ese estímulo no tecido económico de Ribadeo cos diferentes encontros, torneos entre diferentes vilas, cidades e incluso xente doutras bandeiras ou con outros idiomas, que atraen tanta xente a vila, o que iso supón para a nosa economía, para o comercio, para a hostalería e para os hoteis, creo que ben merece un trato doutro calado.
Jorge Díaz Freije (concelleiro de Deportes)
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
