Ribadeo, 29 de xaneiro 2022. O portavoz do Grupo Municipal Popular de Ribadeo, Daniel Vega, denuncia trala celebración do pleno ordinario deste mes de xaneiro que “o goberno do BNG aínda está a pagar facturas pendentes do 2018 correspondentes ao pan do piso tutelado que xa non é titularidade do Concello dende xa fai 3 anos”. Os populares consideran unha “irresponsabilidade” que o goberno local aínda pague no 2022 facturas pendentes do 2018 e que se debe a que “non fixo as cousas ben”.
O voceiro tamén apunta que “foi aprobado en pleno o pago dunha factura de máis de 5.000 euros en combustible. Seguramente á empresa non lle guste cobrar con atraso, pero este goberno do BNG di que non pode facer máis e que a culpa é das empresas que presentan tarde as facturas ou dos funcionarios. Coma sempre, a culpa é de todos menos do goberno do BNG”, lamenta.
Para evitar este tipo de situacións; tanto o servizo de abastecemento de combustible coma o da luz ou a telefonía “deberían sacarse a concurso público en tempo e forma”; pero “é moi mala a xestión do BNG”, considera o popular. Neste sentido, indica que “noutros Concellos estes procesos os xestiona a Fegamp, pero este goberno non sae das siglas do BNG e, polo tanto, é imposible relacionarse con outras administracións”.
O Grupo Municipal Popular preguntou durante a sesión plenaria polas xestións realizadas polo goberno local en Fitur. “A resposta foi: moito traballo. E cando lle preguntamos se poderían concretar dixeron: non. Farían moitas fotos, pero traballo de promoción turística do noso pobo vimos pouco”, indica o popular.
En relación ao fomento da actividade industrial no municipio, os populares preguntaron tamén en pleno polas xestións do goberno do BNG con SEPES para rebaixar o prezo do solo das parcelas do polígono. “A resposta foi botarlle a culpa aos demais gobernos; pero o goberno local ten unha culpa moi grande: a subida de impostos que impuxo ás poucas empresas que hai no polígono; a pesar de que lle temos advertido de que se debería aplicar unha rebaixa fiscal, unha rebaixa dos impostos, pero non nos escoitan”.
Elena Sierra e Begoña Sanjurjo preguntaron sobre as xestións de cara á eliminación dos vertedoiros incontrolados que hai no municipio “e o concelleiro de Medio Ambiente dixo que estaban actuando. Pero debe ser noutros sitios porque os vertedoiros continúan aumentando ao largo e ancho do concello”, explica Vega.
Sierra tamén preguntou que pasa coa maquinaria municipal porque “a que non aparcada nun taller, está tirada no almacén do Concello e iso non nos parece moi razoable”.
Sanjurjo preguntou tamén que pensa facer o goberno local en relación ao Entroido. “A resposta foi que non había comisión e que eles non o podían organizar”, lamentan dende o Grupo Municipal Popular.
O voceiro popular condena que “este goberno nunca actúe” e que “sempre se escuse dicindo que a culpa é dos demais, nunca do goberno do BNG. É totalmente irresponsable que este goberno estea totalmente ausente, non teña planificación seria e non se vexa ningún tipo de traballo”, conclúe.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
