Muras, 27 de xaneiro de 2022. Eugenia Requeijo Chao, portavoz popular no Concello, foi elixida presidenta do PP de Muras, cun apoio do 100%. Con ela, están na directiva do partido Julio Díaz Díaz, como secretario xeral, e Fernando Carballido Amor, como vocal. O congreso celebrouse no Bar Santi, con participación da presidenta provincial do PP, Elena Candia; o coordinador xeral e portavoz, José Manuel Balseiro, e o secretario xeral, Javier Nodal.
A nova presidenta do PP local, Eugenia Requeijo, sinalou os seus obxectivos e os principais retos que se fixa. Por un lado, fortalecer o partido, incrementando a afiliación. Nesta liña, di que é preciso facer chegar á mensaxe do PP a todos os veciños do municipio e poñer en evidencia que a xestión do actual goberno local está máis centrada en confrontar coa Xunta que en mellorar o municipio. Asegura que pretende estar aínda máis cerca dos seus veciños para axudarlles a resolver os problemas aos que se enfrontan nun municipio das características de Muras.
Eugenia Requeijo cre que en Muras hai ganas de cambio á fronte do Concello. “É necesario que quen goberne estea máis preocupado por defender os intereses dos veciños que os do propio partido”, sinala a nova presidenta local do PP.
A nova presidenta do PP de Muras é gandeira. Polo tanto coñece ben as dificultades ás que se enfrontan todos os que viven do sector primario, o máis importante no municipio de Muras. “Comprométome a traballar intensamente para solucionar problemas que afectan seriamente ao sector, como é o do lobo”.
Para a nova presidenta local do PP, é preciso dotar a Muras dun polígono industrial. “Hai que facilitar solo industrial para que se asenten empresas no municipio, para crear postos de traballo e que a xente se anime a vivir no rural”.
Polo seu lado, a presidenta provincial do partido, Elena Candia, destacou o feito de que a presidencia local da organización quede en mans dunha muller, que vive dunha explotación gandeira asentada no municipio. Candia puxo de relevo igualmente a capacidade de traballo que ten demostrada Eugenia Requeijo, así como a súa continua disposición para sumar a favor dos intereses dos veciños.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
