Burela, 15 de xaneiro de 2022. O PP de Burela mantén o seu decidido compromiso de traballar para buscar unha solución satisfactoria para os veciños afectados polo embargo efectuado pola Sociedad de Gestión de Activos Procedentes de la Reestructuración Bancaria (SAREB), no edificio da esquina das rúas Igrexa e Mar Cantábrico. O portavoz municipal dos populares, Manuel Rouco, adianta as medidas que promove en apoio dos veciños afectados.
Rouco sinala: “O PP de Burela, na súa labor de escoita continua, vén de reunirse este venres cunha representación dos veciños afectados polo embargo efectuado pola SAREB no edificio situado na intersección das rúas da Igrexa e Mar Cantábrico. Nesta reunión trasladóusenos a presión abafante que está a levar a cabo o que é coñecido popularmente como banco malo, para que as familias afectadas abandonen os seus fogares. Parece ser que dúas das 16 familias afectadas xa decidiron marchar”. Lembra “que o SAREB está participado nun 45% polo Goberno do Estado, sendo deste xeito o accionista maioritario, polo que ten a chave á hora de tomar decisións con respecto ao futuro dos veciños afectados”.
Rouco explica que, como voceiro municipal do grupo popular, trasladou “o noso máis firme apoio a todos estes veciños, que se atopan nunha situación tan delicada e a nosa vontade de poñer á súa disposición todos os medios dos que podemos botar man para tratar de axudar neste asunto”.
Foron dous os compromisos aos que chegaron. “O primeiro, facer que o caso dos veciños de Burela teña voz no Parlamento de Galicia, e así o trasladamos con urxencia ao grupo parlamentario popular, para expoñer o caso e defender os intereses de todas estas familias na Cámara á máxima brevidade”, di o portavoz popular. Engade: “En segundo lugar, imos mediar para tratar de conseguir unha reunión co máximo responsable do Instituto Galego e Vivenda e Solo e que así poidan expoñer as súas inquedanzas directamente”.
Os populares tratan de axudar, dentro das súas posibilidades, “para intentar atopar unha saída neste asunto tan desagradable”.
Rouco expón “o noso firme compromiso de non dar as costas a ningún veciño ou veciña de Burela, porque cremos que este debe ser sempre o labor que debe de exercer un alcalde e o grupo de goberno dunha vila como Burela; lamentablemente, segundo se nos informou, este non foi o caso”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
