NOTA DE PRENSA
Censura que os nacionalistas pretendan facer “carnaza” dun tema tan serio como é a dificultade pola que podería estar pasando a empresa Cerámica de Sargadelos e que deliberadamente esquezan que a Deputación tamén pode involucrarse na solución
Balseiro resposta ao BNG que o seu compromiso con Cervo e os seus veciños teno demostrado suficientemente agora e no pasado
* OFRECEMENTO: “Estiven, estou, e seguirei estando a disposición dos traballadores, empresa e administracións para todo aquelo que me poidan necesitar”- di Balseiro.
Cervo, 08 de xullo de 2010.- O concelleiro cervense e parlamentario do Partido Popular, Jose Manuel Balseiro, resposta ante as críticas efectuadas polo BNG que o seu compromiso con Cervo, e con todos os seus veciños, teno demostrado suficientemente tanto no pasado, “cando tiña dedicación exclusiva aos asuntos municipais”, como tamén agora “desde as responsabilidades e postos que ocupo neste momento”. Balseiro sinala que así o coñecen e o valoran os propios veciños deste municipio que, pola contra, non teñen a mesma consideración do BNG e do único concelleiro nacionalista local, Xoán Antón Estúa “que nunca nada fixeron por Cervo, salvo prexudicalo e tirar pedras contra o seu propio tellado”
O deputado e concelleiro cervense censura que os nacionalistas pretendan “facer carnaza” dun tema tan serio como é a dificultade pola que podería estar pasando a empresa Cerámica de Sargadelos e sinalan como especialmente grave que o BNG en vez de achegar solucións construtivas decidan facer uso da incerteza sobre o futuro desta compañía e dalgúns dos seus postos de traballo como arma de confrontación política e crítica partidista.
CONFIRMA A POSTA A DISPOSICIÓN
Balseiro quixo insistir unha vez máis na súa posta a disposición dos traballadores, empresa e da administración porque “estou, estiven, e seguirei estando para todo aquelo que me poidan necesitar”. Nesta liña insistiu en que ninguén ten unha barita máxica para aplicar neste tipo de casos e que polo tanto hai que respectar e apoiar ás partes nas distintas negociacións e acordos que estean a desenvolver e, de xeito especial, naqueles que teñan por obxecto salvagardar o interese empresarial e o conxunto dos postos de traballo.
A DEPUTACIÓN DESAPARECIDA
O concelleiro e deputado cervense sinala que o acordo Plenario acadado pola Corporación Municipal de Cervo foi unánime –acordado por todas as forzas políticas- en apoio da empresa e dos seus traballadores e na petición ao conxunto das administracións públicas para que se impliquen en dar unha solución, tendo en conta as características que fan da Cerámica de Sargadelos unha empresa que transcende o ámbito empresarial para constituírse como referente da artesanía galega e parte do patrimonio cultural de Galicia. “Neste esforzo tamén buscábamos a implicación da Deputación e do Goberno central, cuestión que o BNG interesadamente omite, porque só pretende criticar e non asumir as súas propias responsabilidades”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
