Ribadeo, 07 de xaneiro de 2022. A subdelegada do Goberno, Isabel Rodríguez, animou hoxe aos veciños e veciñas de Ribadeo a acollerse ás distintas liñas de axudas para vivenda que financia o Goberno con fondos do Plan de Recuperación. A subdelegada viaxou hoxe a Ribadeo, onde mantivo unha xuntanza co alcalde, Fernando Suárez, e anunciou que este é un dos concellos galegos que se poden beneficiar do pulo á rexeneración urbana pola que aposta o Goberno.
Isabel Rodríguez explicou que o Plan de Recuperación do Goberno inclúe distintas liñas de axudas en materia de vivenda, como as que ofrecen fondos para a rehabilitación enerxética de vivendas que xa se poden solicitar, unha vez que as convocou a Xunta, ou as recollidas nos convenios recentemente asinados para a reforma do parque inmobiliario galego.
A subdelegada subliñou que as políticas de transformación urbana do Goberno suporán unha inxección económica de 230 millóns de euros en Galicia entre 2021 e 2022, o que representa “unha extraordinaria oportunidade que sería unha irresponsabilidade desaproveitar”. Por iso, pediulle á Xunta que non deixe fondos sen executar, como sucedeu en anos anteriores.
A subdelegada explicou que a rexeneración urbana e a rehabilitación de vivendas forman parte da estratexia deseñada polo Goberno dentro do Plan de Recuperación, Transformación e Resiliencia. Así, o compoñente dedicado á rexeneración urbana contempla seis programas, dos que catro son xestionados polo Ministerio de Transportes e os dous restantes polo Ministerio para a Transición Ecolóxica.
A execución destes programas é un exemplo do modelo de cogobernanza do Goberno coas comunidades autónomas e as entidades locais, ás que o Goberno transfire fondos para que materialicen as intervencións directamente ou ben realicen convocatorias de axudas, en función de cada un dos programas.
Moitas das partidas aprobadas polo Goberno serán transferidas e xestionadas pola Xunta de Galicia, á que chamou a colaborar para aproveitar todos os fondos disponibles e que non suceda como co Plan de Vivenda 2018-2021, no que dos 82 millóns de euros que xestionou a Xunta, quedaron 40 sen executar
Un dos programas impulsados polo Ministerio para a Transición Ecolóxica é o Reto Demográfico é o Programa PREE 5000 de Rehabilitación Enerxética de Edificios dirixido a concellos de pequeno tamaño que, nesta convocatoria conta cun orzamento de 3,8 millóns de euros. Está dirixido a residentes en concellos de menos de 5.000 habitantes ou de menos de 20.000 se ningún dos seus núcleos de poboación supera os 5.000. O seu obxectivo é a redución do consumo de enerxía primaria non renovable do 30% e mellorar a cualificación enerxética do inmoble. É posible financiar ata o 100% do orzamento da actuación. O prazo quedou aberto este luns pola Xunta e continúa ata o 30 de setembro.
607.000€ PARA REHABILITACIÓNS EN RIBADEO E RINLO
No caso de Ribadeo, a subdelegada indicou que o Goberno apoia a rehabilitación do parque de vivendas e espazos públicos con novas axudas, tal como recollen os convenios recentemente firmados co Concello para as áreas de rexeneración e renovación urbana do Casco histórico da vila de Ribadeo e o núcleo de Rinlo.
Son en total 607.852 euros de axudas que facilitarán a rehabilitación de 26 vivendas. De eses fondos o Ministerio de Transportes, Mobilidade e Axenda Urbana achegará 299.376 euros, o Concello de Ribadeo 231.117 e a Xunta de Galicia 77.359 euros.
Na Área de Rexeneración e Renovación Urbana do Casco histórico da vila de Ribadeo as axudas suman 407.256 euros para a rehabilitación de 18 vivendas. Os fondos do Goberno ascenden a 207.260 euros, os do Concello é de 146.440 e o investimento da Xunta a 53.556.
No caso da Área de Rexeneración e Renovación Urbana do Núcleo de Rinlo, a dotación das axudas ascende a 200.596 euros para a reforma de 8 vivendas, dos que 92.115 son fondos que achega o Goberno, 84.677 do Concello e 23.802 da Xunta.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
