NOTA DE PRENSA
González Barcia reúnese con interesados para explicar a súa reunión co Director Xeral de Vivenda.
O portavoz popular afirma que o proxecto de renovación do teito das vivendas do Río está a piques de rematarse.
Comunica ós veciños das Casas Baratas que hai fórmulas para conseguir axudas importantes para rehabilitación de vivendas.
O portavoz popular José María González Barcia reuniuse hoxe con veciños das Casas Baratas, e tamén con residentes nas vivendas de O Río, para explicarlles o contido da reunión que mantivo o pasado luns en Santiago co Director Xeral de Vivenda da Xunta, Antonio Boné.
No que se refire ás vivendas de promoción pública da rúa do Río, Barcia confirmou que o proxecto está a piques de rematarse, tal e como lle indicou Antonio Boné. O proxecto contempla a renovación do teito, de fibrocemento, e unha partida para pintura. O popular tamén manifestou que é cedo para plantexar prazos de execución, ainda que as obras correrán a cargo da Xunta de Galicia na súa totalidade.
En canto ás Casas Baratas, Barcia reiterou por enésima vez que a Xunta bipartita non dispoñía de fondos para realizar as obras que anunciou nese barrio, obras que ademais non cumplirían a legalidade, xa que as vivendas están consideradas como libres en función da lexislación vixente. Pero adiantoulles ós veciños que hai mecanismos para conseguir apoio económico para as obras de rehabilitación das vivendas que pretenden realizar.
O portavoz popular explicoulles os camiños que existen para conseguir ese apoio económico, apoio económico que pode ser mui importante. Con todo, Barcia considera que “resula sospeitoso que o bipartito burelés teña tanto interés nas Casas Baratas, cando en realidade non fixeron nada; e resulta sospeitoso que se fale de reparar tellados de vivendas que legalmente son libres; segundo a teoría do bipartito, calquera comunidade de veciños podería pedir o mesmo con pleno dereito, é decir, que a Xunta pague todo, pero deso non se lembra o bipartito, que só se preocupou por este barrio, especialmente o BNG, como se o resto de Burela non existise”. Barcia fixo unha indicación: “o convenio co que se arranxaron as rúas e as aceras hai dous anos, foi asinado por un alcalde de Burela do PP e un conselleiro do PP, o sábado das festas de Burela de 2005, e foi o PP quen puxo en marcha o proceso das escrituras. A Xunta bipartita só aportou setenta mil euros en catro anos”.
González Barcia considerou “positivas e clarificadoras as reunións, para deixar perfectamente claro qué grupos políticos son os que enganan e usan temas tan sensibles coma a vivenda para facer política partidista e sacar rédito electoral, e qué grupos políticos son os que explican as cousas conforme á normativa vixente e se prestan a colaborar cos veciños para conseguir obxectivos”.
O portavoz popular lamentou que “ninguén do bipartito, nin o alcalde nin Nieves Cando, se teñen dirixido á Dirección Xeral de Vivenda para falar das vivendas da Rúa do Río e das Casas Baratas. Usan este asunto só para salir na prensa, pero non axudan a que os problemas se resolvan”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
