NOTA DE PRENSA:
O deputado popular resta credibilidade ao anuncio de Sanidade de levar adiante o plan funcional do centro hospitalario burelés xa que, ano tras ano, “fan o mesmo anuncio e como podemos observar todo sigue igual”
BALSEIRO EMPRAZA AO SERGAS A QUE SE DEIXE DE PUBLICIDADE E SE POÑAN A TRABALLAR
* Malia que os dous últimos orzamentos -2007 e 2008- contemplaron partidas por valor dun millón de euros respectivamente para reformar e ampliar o Hospital da Costa o Goberno bipartito non executou a devandita actuación.
* Balseiro lembra que o hospital da Costa é un dos centros galegos coas listas de espera máis grandes de Galicia. A deficiente xestión da actual xerencia en materia de persoal contribúe -na súa opinión- a convertelo nun dos hospitais máis saturados da rede pública sanitaria.
A Mariña, 05 de novembro de 2008.- O deputado mariñán do Partido Popular de Galicia (PPdeG), José Manuel Balseiro Orol emprazou ao SERGAS a que “se deixe de publicidade e se poña a traballar na mellora do sistema sanitario da nosa comarca que, segundo afirma, está a sufrir un progresivo empeoramento desde que PSOE e BNG accederon ás responsabilidades de goberno na Xunta”. Con estas palabras Balseiro Orol vén de restar credibilidade ao plan funcional presentado no día de onte e no que, entre outras actuacións, din contemplar un investimento de máis de 10 millóns de euros e as obras de ampliación do Hospital da Costa.
ANUNCIO REITERADO E NUNCA CUMPRIDO
“Este anuncio xa o coñecíamos”-engade Balseiro- “Ano tras ano, cando chega a hora de presentar os orzamentos veñen co mesmo discurso que non por reiterativo é máis certo”. A este respecto clarexa que “no 2007 falaron de que tiñan previsto ampliar o Hospital da Costa durante o 2008. A principios deste ano dixeron que a ampliación do centro hospitalario mariñán chegará no 2009 e agora, volven a falar dun plan funcional que afasta este obxectivo ata 2010. ¿Pensan que os veciños da Mariña non nos damos conta disto?”
DOUS MILLÓNS DE EUROS SEN INVESTIR
De feito, o deputado popular explicou que os dous últimos orzamentos elaborados polo Goberno bipartito incluían partidas específicas para obras de ampliación e mellora do Hospital da Costa e, pese a iso, nunca se chegaron a executar. “Nin o millón de euros de 2007, nin esa mesma cantidade prevista nos orzamentos de 2008 investíronse polo que, o único que ten feito este Goberno bipartito e atrasar unha actuación necesaria e de interese prioritario para a nosa comarca”.
A maiores, Balseiro Orol subliña que as contas para 2009 non achegan “nin un só céntimo” para levar adiante este plan funcional. Isto é “non previron cartos para facer fronte ao que onte pretendían vendernos”. Si aparecen, en cambio, previsións de investimentos para os plans directores dos hospitais Juan Canalejo (4 M€), Arquitecto Marcide (1,4 M€), Centro Hospitalario de Ourense (1 M€), Hospital de Pontevedra (400.000 €) e do Salnés (1 M€)
UN PLAN FUNCIONAL QUE SE LLE OCULTA AO PP
A primeira vez que se falou da elaboración dun plan funcional, foi con ocasión da comparecencia da Conselleira de Sanidade o 1 de marzo de 2007 no Pleno do Parlamento de Galicia. Alí a socialista María José Rubio Vidal anunciou que o seu departamento estaba a elaborar un estudo sobre a adecuación das infraestruturas do Hospital da Costa e a necesidade de acometer a súa ampliación e alí adquiriu o compromiso de rematalo antes de finais dese mesmo ano.
Tras este anuncio, o devandito plan foi reclamado polo deputado popular a través do conducto oficial regulamentario da Cámara autonómica. A día de hoxe Sanidade aínda non o ten remitido. “Descoñecemos as razóns polas que se nos oculta o contido deste plan funcional. Non queremos poñer en dúbida a súa existencia pero, claro está, que non queren que coñezamos o seu contido, quizás porque dunha análise do mesmo, poderíamos deducir que nada teñen feito ou, o que aínda sería peor, que é unha escusa que o bipartito está a empregar para vendernos o mesmo discurso ano tras ano”- expuxo Balseiro.
DOS HOSPITAIS MÁIS SATURADOS DE GALICIA
Balseiro Orol insistiu na necesidade de comprometerse na mellora do sistema sanitario público na nosa comarca. No tocante ao Hospital da Costa recorda que é un dos centros hospitalarios galegos coas listas de espera máis altas para o acceso a determinadas especialidades médicas. Xunto a iso, a deficiente xestión da actual xerencia en materia de persoal “contribúe a convertelo nun dos hospitais máis saturados da rede pública sanitaria”. Ambas as dúas son, en opinión do deputado popular, boas razóns para que “se poñan a traballar desde xa, ofrecendo solucións que se materialicen máis alá do papel dos periódicos ou das roldas de prensa. Queremos que as obras comecen”
As únicas ampliacións do Hospital da Costa desenvolvidas ata o momento foron as impulsadas por Gobernos do Partido Popular.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
