LUGO .- Veciños do Incio, As Nogais e Lugo participarán no programa de visitas medioambientais promovido pola Deputación co programa KmO. Multiaventura e tirolina son as actividades de Xtreme que practicarán medio cento de persoas
Nota de Prensa
NOTA DE PRENSA
A Mariña, A Ribera Sacra e a modalidade Xtreme, protagonistas esta semana en Km0
– Veciños do Incio, As Nogais e Lugo participarán no programa de visitas medioambientais promovido pola Deputación
– Multiaventura e tirolina son as actividades de Xtreme que practicarán medio cento de persoas
Veciños do Incio, As Nogais e Lugo coñecerán mellor a provincia grazas ó programa de visitas medioambientais Km0 que promove a Deputación. Esta semana as protagonistas son A Mariña, A Ribeira Sacra e a modalidade Xtreme, con actividades de Multiaventura e Tirolina.
Na xornada de hoxe, dous grupos foron recibidos no Pazo de San Marcos dentro do programa medioambiental. Un deles, formado por membros da Asociación de Veciños de Barbarín de Noceda, do Concello do Incio, elexiu a ruta do Viveiro histórico. Ademais de dar un paseo polo centro da cidade, visitaron a igrexa de Santa María do Campo, o Monte de San Roque, a praia de Covas e un obradoiro de cerámica. O segundo grupo, da Asociación Cultural Abrente das Nogais, coñeceron os petroglifos e a igrexa de Proendos, en Sober, e degustaron viños da Ribeira Sacra en varias adegas da zona.
O mércores, Xtreme
Mañá será o día de Xtreme con dúas das 14 actividades incluídas nesta modalidade de Km0: multiaventura e tirolina. No primeiro caso, 24 veciños de Lugo, con idades comprendidas entre os 10 e os 17 anos, visitarán a área de Pena de Rodas, en Outeiro de Rei, e practicarán tiro con arco, canoa e rastrexo, unha das actividades máis demandadas, xunto coas viaxes en helicóptero e as rutas a cabalo. En canto á tirolina, un grupo formado por solicitantes individuais disfrutarán deste deporte logo de visitar o Centro de Interpretación do Río Miño e Castro Riberas de Lea.
Por último, o xoves o destino de Km0 será a ría de Ribadeo. Ata a Mariña desprazaranse un grupo da Asociación Veciñal e Cultural “Terras do Incio” e outro do taller de pintura do Concello de Lugo. En ambos os dous casos, darán un paseo polo casco histórico e farán unha viaxe en barco pola ría. Esta ruta completarase cunha visita á oleiría de Bonxe.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
