A MARIÑA .- Representantes da Plataforma na Defensa da Sanidade Pública da Mariña valoraron o resultado da mobilizacións social do 26 de xullo e agradeceron o apoio masivo da cidadanía mariñá á manifestación, na que demostraron preocupación polos recortes nos servizos sanitarios, que non aceptan a centralización en Lugo e esixen unha Área de Xestión Integrada Única para A Mariña. A Plataforma acordou solicitar unha entrevista coa Conselleira de Sanidade, Pilar Farjas para trasladar formalmente as súas demandas.
Nota de Prensa
A Plataforma na Defensa da Sanidade Pública da Mariña pedirá unha entrevista coa Conselleira de Sanidade Pilar Farjas
A Plataforma agradeceu o apoio masivo da cidadanía mariñá á mobilización do día 26
O éxito da mobilización demostrou que a cidadanía mariñá no acepta recortes no sistema sanitario público
A Mariña, 6 de xullo de 2010. Representantes da Plataforma na Defensa da Sanidade Pública da Mariña reuníronse na tarde de onte para valorar o resultado da mobilizacións social do pasado 26 de xullo. A Plataforma agradeceu o apoio masivo da cidadanía mariñá á manifestación do sábado 26 de xuño na que milleiros de veciños e veciñas da comarca demostraron a súa preocupación polos recortes nos servizos sanitarios públicos na comarca e que non aceptan a centralización en Lugo e esixen unha Área de Xestión Integrada Única para A Mariña. A Plataforma acordou solicitar unha entrevista coa Conselleira de Sanidade, Pilar Farjas para trasladar formalmente as súas demandas.
A Plataforma solicitará unha reunión coa Conselleira de Sanidade Pilar Farjas
A Plataforma na Defensa da Sanidade Pública da Mariña acordou onte solicitar unha entrevista coa Conselleira de Sanidade, Pilar Farjas, a fin de trasladarlle persoalmente as demandas expostas no manifesto lido o sábado 26 de xuño ao remate da manifestación de Burela. Os e as representantes da plataforma asumiron con responsabilidade o apoio masivo da cidadanía mariñá que avalou co seu apoio unhas demandas das que a Xunta de Galiza debe tomar boa nota. A Plataforma insistiu en que a Mariña deber ter un Área de Xestión Integrada Propia, e reivindicaron a ampliación real do Hospital da Costa en número de camas, implantación da Unidade de Oncoloxía, ampliación de Hemodiálise, pleno funcionamento da Consulta Maior Ambulatoria, unha Resonancia Magnética fixa, a hospitalización a domicilio, a posta en funcionamento dos servizos de tarde, os aumentos do cadro de persoal e por suposto o reforzo e mantemento de tódolos servizos e unidades existentes tanto de Atención Primaria como de Especializada.
A Plataforma agradeceu o apoio masivo da cidadanía mariñá á mobilización do sábado 26 de xuño
Os e as representantes da Plataforma reunidos na tarde de onte agradeceron o apoio masivo da cidadanía mariñá á manifestación de Burela, demostrando así a súa preocupación polos recortes nos servizos sanitarios públicos na Mariña tanto en atención primaria como especializada. Neste sentido, recalcaron que as manobras para reducir a asistencia á manifestación de Burela dos representantes de algún partido político non tiveron credibilidade e puideron causar un efecto contrario ao pretendido.
A constitución da Plataforma e o apoio da cidadanía ás súas demandas xa tivo resultados positivos na comarca.
Os representantes da Plataforma mostraron a súa satisfacción polo traballo realizado nos últimos meses que xa tivo resultados positivos na comarca, unha vez mais demostrouse que a presión social e importante, neste contexto enmarcaron o inicio de obras un día antes da manifestación ou a posta en marcha da ambulancia medicalizada. Aínda así recalcaron que as principais demandas da Plataforma seguen sen ser atendidas polo que continuarán o seu traballo ate onde sexa preciso a fin de que estas sexan atendidas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
