A Mariña, 17 de decembro de 2021. O plenario da Mancomunidade de Concellos da Mariña Luguesa aprobou por unanimidade os orzamentos de 2022 na asemblea ordinaria do pasado mércores, 15 de decembro, que se celebrou no CENIMA de Foz.
En palabras do presidente da Mancomunidade e alcalde de Foz, Fran Cajoto, “presentáronse unhas contas equilibradas, que inclúen no capítulo de ingresos unha achega comprometida pola Deputación de Lugo de corenta mil euros para o Plan de Sustentabilidade Turística, 143.608 euros aportados polos 16 concellos a razón de 2 euros por habitante –o dobre que no presente exercicio- e 550 euros doutros ingresos”.
Cajoto dixo que “con este orzamento damos cumprimento, aparte doutros gastos correntes, á inversión que debemos aportar ao Plan de Sustentabilidade no vindeiro exercicio. Constitúe unha verdadeira oportunidade: un plan dotado con 2,225 millóns de euros cofinanciado pola Secretaría de Estado de Turismo -1 millón de euros-, Turismo de Galicia -1 millón de euros- e a Mancomunidade, que aporta 225.000 euros, contando tamén cunha achega da Deputación de 81.000 euros”.
O presidente da Mancomunidade subliñou que “durante o primeiro trimestre do vindeiro ano 2022 comezará a rodar, cun obxectivo claro: un turismo de mellor calidade, durante todo o ano, que constitúa unha fonte de emprego estable e duradeira”.
No plenario da Mancomunidade de Concellos da Mariña tratáronse outros temas de interese como a recollida da fracción orgánica de lixo, que se está a estudar facer de forma conxunta, así como a posibilidade de acollemento a unha liña de subvención ao respecto cofinanciada polos fondos Next Generation da Unión Europea e publicada no DOG pola Consellería de Medio Ambiente.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
