Santiago de Compostela, 16 de decembro de 2021. O PP vetou a iniciativa socialista para instar ao goberno galego a reforzar e ampliar a Rede de Reservas Mariñas de Interese Pesqueiro en Galicia. Fíxoo, hoxe, na Comisión de Pesca do Parlamento, onde votou en contra dunha proposición sobre esta cuestión defendida pola portavoz de Pesca do PSdeG, Patricia Otero.
“O medio mariño é o máis exposto a danos medioambientais irreversibles”, alertou a voceira socialista, por iso, subliñou, “son necesarias medidas, como está a reclamar o sector, para garantir o bo estado das augas e así protexer os recursos pesqueiros e o ecosistema”, de xeito que se minimicen as “afeccións” das diferentes actividades humanas sobre caladoiros e zonas de pesca, con especial atención ás pesqueiras tradicionais.
Así, o “necesario” reforzo e ampliación da rede de reservas mariñas pode actuar, subliñou Otero, como “motor de conservación e rexeneración do recurso pesqueiro e apoio á pesca artesanal, ao tempo que se acadaría o rendemento máximo sostible sobre as poboacións de especies comerciais”.
“Feijóo e a conselleira Rosa Quitana nada fixeron para ampliar as reservas mariñas de interese pesqueiro para Galicia” en 12 anos de goberno, censurou Otero.
Ao fío disto, a voceira socialista pediu ao goberno galego que realice esta cuestión “en consenso e diálogo” co sector do mar, e “pensando na protección das reservas a medio e longo prazo”, xa que serviría “para mellorar o stock de determinadas especies”.
Con todo, Otero sinalou que “agora chegan menos substratos ao mar, pero máis fertilizantes”, polo que “o maior problema do noso litoral é a eutrofización como principal ameaza para o ecosistema na zona costeira, non sendo a pesca a culpable da situación na que se atopan os recursos”.
Por último, a responsable socailista lembrou que a principios deste ano se celebrou unha reunión das dez comunidades e cidades autónomas con competencia na xestión da Rede Natura 2000 Mariña na que o goberno de España “reafirmou o seu compromiso de acadar o 30% das áreas mariñas protexidas para 2030” dentro do proxecto Life Intermares.
“É imprescindible para iso a coordinación interadministrativa e a implicación nas actuacións conxuntas de conservación mariña”, concluíu.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
