Lugo, 14 de decembro de 2021. A Escola Superior de Arte e Deseño Ramón Falcón de Lugo e os institutos de ensinanza secundaria Monte Castelo de Burela e Sanxillao de Lugo acollerán este xoves e venres a proxección de “Amnesia 3.0”, unha serie interactiva de ciencia ficción escrita e dirixida pola lucense Irene Pin.
Tras o visionado da produción, premiada no Festival Carballo Interplay e finalista ao Mestre Mateo á Mellor Serie Web 2020, o alumnado participará nun coloquio coa autora no que poderán abordar cuestións relativas á historia contada como ao formato.
A vicepresidenta da Deputación de Lugo, Maite Ferreiro, sinalou que “con esta proposta tratamos de achegar contidos en lingua galega á mocidade, fundamental para a nnormalizacio´n linguística, nun formato especialmente concibido para a linguaxe dixital que, polo tanto, ten un enorme potencial para conectar coas novas xeneracións” Ademais, subliñou, “estas iniciativas de difusión supoñen un apoio económico para proxectos de persoas mozas que apostan pola creación en galego”.
Maite Ferreiro agradeceu a colaboración do profesorado dos centros educativos nos que se realizarán as actividades, dirixida especialmente a aqueles con bacharelato de Artes.
Datas
Xoves 16 de decembro:
IES Sanxillao, Lugo
Venres 17 de decembro:
Escola Superior de Arte e Deseño Ramón Falcón, Lugo
IES Monte Castelo, Burela
Sobre Amnesia 3.0: notas da cooperativa de produción audiovisual Aqueladas
Amnesia 3.0 é un thriller de ciencia ficción sobre a premisa básica dun mundo no que a xente non recorda. A historia achegábase a 265-C, unha moza que se ergue cada mañá para seguir o seu plan de actividades, sen recordar o que aconteceu onte. Até que un día Fiz e Lía entran na súa vida para estourar o seu mundo, tratando cunha tecnoloxía arcaica de facerlle lembrar. Ao tempo, as súas accións son perseguidas por un anónimo inspector do Departamento de Seguridade Global.
A partir desta formulación, que se desenvolveu nos primeiros capítulos da serie, o público decide seguir a historia desde un ou outro itinerario, nos momentos en que as tramas se cruzan. As súas
decisións non mudan a historia, pero si como a percibe. Segundo o que escolla, hai cousas que verá ou non, intencións ou accións que entenderá doutro xeito.
A serie asenta así a idea de que o importante non é tanto o que che contan, senón como cho contan. E, sobre todo, quen.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
