Lugo, 9 de decembro de 2021. O Presidente da Deputación de Lugo, José Tomé Roca, e o presidente da Sociedad Estatal de Correos y Telégrafos, Juan Manuel Serrano Quintana, asinaron este xoves na Sala de Xuntas do Pazo de San Marcos un protocolo entre a institución provincial e esta entidade para impulsar novos proxectos que favorezan a cohesión territorial da provincia e axuden a loitar contra a despoboación ao facilitarlles que poidan realizar xestións independentemente de onde vivan.
O obxectivo é garantir o acceso aos servizos públicos básicos á poboación rural e de zonas con poucos habitantes nas mesmas condicións que o resto de persoas que viven nas áreas urbanas. A Deputación e Correos traballarán en proxectos que aproveiten a presenza territorial da compañía, que conta con 24 oficinas na provincia, 46 puntos de atención rural e máis de 200 carteiros e carteiras rurais que percorren a diario parroquias e aldeas lucenses.
Tomé Roca explica que “imos ampliar os procedementos administrativos con presenza nas oficinas de Correos e así achegarnos á veciñanza”. “Estamos ante un acordo importante, que se enmarca na liña de accións impulsadas pola Deputación para garantir o acceso a servizos públicos no rural”, subliña. Pon o foco, sobre todo, en que “a perda de poboación non pode traducirse nunha perda de servizos porque isto supón incumprir o mandato institucional de igualdade entre toda a cidadanía española, porque se nos escudamos na baixa poboación para xustificar a retirada de servizos, será a falta de servizos a que impedirá recuperar poboación”.
“Con isto facemos accións concretas, que é o que precisa o rural para corrixir as deficiencias que denuncia a veciñanza”, subliña. Nese sentido, inclúe a realización de trámites administrativos como o pago de tributos ou facilitar o cobro de aquelas subvencións ou axudas necesarias. Tamén se poderán pedir tarxetas de transporte, comprar entradas para actividades culturais ou tramitar licenzas, entre outros moitos trámites. A día de hoxe os cidadáns xa poden pagar os tributos da administración provincial en calquera das 2.370 oficinas postais de España.
Este acordo tamén servirá para que naquelas localidades onde as entidades bancarias non teñan oficina, se fixen caixeiros en Correos ou se amplíen os servizos que prestan os carteiros rurais de Lugo a domicilio, como pode ser a entrega de diñeiro en efectivo co servizo Correos Cash.
Apoio aos produtores locais
Este compromiso entre a Deputación e Correos inclúe, ademais, o impulso da plataforma de venda online Correos Market coa finalidade de que os produtores locais radicados na provincia de Lugo dispoñan dunha nova canle de venda e poidan enviar os seus produtos a calquera punto de territorio. A día de hoxe son 14 os produtores da provincia que distribúen a través desta plataforma.
Outro dos puntos abordados no protocolo é a prevista dixitalización dos puntos de atención que Correos ten en poboacións pequenas para poder aumentar os servizos. Unha das primeiras que se dixitalizou este ano foi a de Palas de Rei, que agora pode prestar servizos igual que calquera oficina de cidade.
Así mesmo, tamén se inclúe a instalación de Citipaq -casilleros para recibir ou devolver paquetes- ou o acceso a ORVE, Rexistro Virtual Electrónico, que facilita o envío de documentos ás administracións.
Vocación de servizo público
José Tomé agradeceu a visita do presidente de Correos á institución provincial, feito que “amosa unha vez máis a vontade de cooperación no desenvolvemento de medidas que beneficien á veciñanza da provincia de Lugo”. Para ambas institucións este proxecto é un avance máis do seu compromiso para facer fronte ao reto demográfico, no convencemento de que a loita contra a brecha existente entre as zonas urbanas e as zonas rurais, carentes a miúdo de servizos e infraestruturas básicos, é a mellor maneira de garantir o desenvolvemento económico e social de todo o país.
“Se as deputacións contamos cunha historia de dous séculos, Correos remonta a súa a 1716. Antes de que a chegada do mundo dixital lle dera un novo sentido á palabra redes, Correos xa tendera unha gran rede de comunicación e distribución por todo o territorio do Estado español. E as deputacións non somos senón o resultado da vontade dos concellos de traballar xuntos, en rede, para poder impulsar mellor os seus proxectos e as súas reivindicacións”, explicou o Presidente, quen cre que ambas entidades teñen “máis cousas en común, pois compartimos a aposta por promover a modernización de unha institución cunha ampla historia sobre a base sólida da experiencia acumulada, tendo sempre en conta as necesidades da sociedade e desde unha firme vocación de servicio público”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
