16,45 h.- A conselleira de Medio Ambiente, Territorio e Vivenda, Ángeles Vázquez, e a ministra de Transportes, Mobilidade e Axenda Urbana, Raquel Sánchez, asinarán con 22 concellos os convenios de 2021 para actuacións nas áreas de rehabilitación integral.
foto xoán crespo
01/12/2021
Ribadeo, 2 de decembro de 2021. O alcalde, Fernando Suárez, participou en Santiago na firma dos novos convenios para a rehabilitación de vivendas e espazos urbanos nas áreas de rehabilitación de Ribadeo e de Rinlo para o período 2022-2024. O investimento total ascenderá a 900.000 euros.
O rexedor manifestou que “cunha grande satisfacción asinamos onte en Santiago coa ministra de Transportes e coa conselleira de Medio Ambiente novos convenios para a rehabilitación de vivendas e de espazos urbanos nas áreas de rehabilitación de Ribadeo e máis de Rinlo. Concretamente para este novo período, 2022-2024, no casco vello de Ribadeo o convenio contempla a rehabilitación de 18 vivendas; e para Rinlo contémplanse a rehabilitación de 8 vivendas.
Estas axudas aos particulares que o desexen son sufragadas polo Estado e máis pola Xunta. E coma sempre estas axudas aos particulares tamén van acompañadas de axudas ao Concello para rehabilitar rúas e espazos públicos nestes ámbitos. E nestes casos o compromiso de axudas son aportadas entre o Ministerio e máis o Concello de Ribadeo”.
Suárez Barcia explicou que “concretamente no convenio de Rinlo a inversión conxunta das administracións e dos particulares ascende a 290.000 euros, dos cales o Ministerio pon o 32 por cento, o Concello o 29% e a Xunta o 8%. E para o convenio de Ribadeo, que é o máis grande, a inversión conxunta das administracións e dos particulares ascende a 610.000 euros, dos cales o Ministerio pon o 34%, o Concello 24% e a Xunta o 9%”.
O alcalde engadiu que “as porcentaxes e os límites de axudas para a rehabilitación varían en función do tipo de obras a executar e da renda familiar dispoñible. E, coma sempre, entran rehabilitacións estruturais, en exteriores, en cubertas, en fachadas, en carpinterías, así como outras máis interiores como calefacción, fontanería, etcétera. Polo tanto todas aquelas persoas que estean interesadas poden obter máis información na Oficina de Rehabilitación que temos no Concello de Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
