NOTA DE PRENSA:
O SOÑO DE VILLARES PARA O ESPAZO DO RIVERA CASAS E MAIS CEMENTO, GRAVA, FORMIGÓN E ASFALTO PARA UN ESPAZO QUE DEBERÍA SER DE CONVIVENCIA SOCIAL
O goberno local desaproveita a ocasión de ter nun mesmo espazo unha gardería, unha residencia de anciáns e unha gran praza pública que darían cohesión social e dinamismo ao centro de San Cibrao
Os nacionalistas darán a coñecer á cidadanía unha proposta alternativa que non desaproveite as oportunidades económicas e sociais do espazo do Rivera Casas.
Cervo, 4 de xullo de 2010. O BNG dará a coñecer a toda a cidadanía cervense un proxecto alternativo á propostas da alcaldía para o espazo que hoxe ocupan as instalacións do colexio Rivera Casas. Neste boletín explicarase mediante medios gráficos a posibilidade de compatibilizar a apertura de espazos públicos e de ocio coa permanencia de instalacións sociais como unha gardería e a construción do centro de día e residencia para maiores no centro do pobo que evite a perda de espazo deportivo na Veiga e conxunte nun mesmo espazo usos sociais e de ocio xerando dinamismo social e económico no centro de San Cibrao.
Demoler o centro de infantil do Rivera Casas e levar o Centro de Día Residencia á zona deportiva da Veiga e desaproveitar recursos, espazos dotacionais e medios económicos
O BNG rexeita as intencións do goberno local de demoler a totalizade das infraestruturas existentes no espazo que hoxe ocupa o Rivera Casás. Para os nacionalistas non se entende como podendo converter os edificios de infantil do Rivera Casas nunha gardería, isto non se fai así e prefírese meter a piqueta de demolición nunha infraestrutura xa existente que podería funcionar a pleno rendemento a curto prazo.
Do mesmo xeito consideran que o Centro de Día Residencial debería construírse neste espazo xa que o lugar elixido pola alcaldia ademais de estar na periferia, fará perder preto de 2.000m2 de superficie deportiva nas instalacións do campo de fútbol municipal da Veiga e apartará aos mais maiores do centro neurálxico de San Cibrao e por tanto do disfrute dos paseos marítimos, parque, comercio e hostalería local.
O BNG acusou a Villares de “matar moscas a cañonazos” ao entender que os proxectos da alcaldía pasan por demoler o Rivera Casas “a calquera prezo”, sen pensar nas oportunidades tanto económicas como sociais que permite un espazo urbano destas características. Os nacionalistas indicaron que 1 millón de euros na súa maior parte para demolicións, formigón, grava, asfalto e granito non e un bo exemplo de xestión de diñeiro público en época de crise xa que non axuda nin á cohesión social, nin ao aproveitamento de espazos e recursos, nin tampouco á dinamización do comercio e a hostalería local.
E perfectamente compatíbel a construcción dunha gran praza que atenda as necesidades existentes coa existencia de infraestruturas sociais que revitalizarían a actividade social en San Cibrao.
Compatibilizar nun mesmo espazo de mais de 6.000m2 cunha residencia de anciáns de nova construción cunha superficie segundo o proxecto de 2.000m2 e unha gardería xa construída con espazos ao aire libre que ocupa 600m2, permite un sobrante de mais de 3000m2 para unha praza pública ou outros usos ofrecendo un espazo de convivencia e dinamismo social e económico a San Cibrao. Neste sentido os nacionalistas farán chegar ao conxunto da cidadanía cervense unha proposta alternativa mediante a edición dun boletín que usará medios gráficos que fagan visíbel esta idea. Para o BNG os recursos públicos deben usarse con racionalidade e eficacia aproveitando as oportunidades sempre en beneficio do conxunto da veciñanza.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
