Lugo, 27 de novembro de 2021. O Grupo Socialista na Deputación de Lugo defenderá no vindeiro pleno Ordinario, que terá lugar o martes, unha moción coa que demanda un gran acordo para mellorar e reforzar a atención primaria na provincia de Lugo.
O PSdeG propón a través desta iniciativa “un acordo que comeza por implementar unha xerencia de atención primaria en cada Eoxi, así como a mellora das condicións laborais para o conxunto de profesionais temporais do Sergas”. Tamén propón promover a conexión entre os servizos de saúde mental e a Atención Primaria, con distribución de zonas de referencia para cada equipo de saúde mental, habilitando primeiras consultas nos propios centros de saúde e, finalmente, ampliar a posibilidade de solicitar probas diagnósticas de maneira directa por parte dos facultativos de Atención Primaria”.
Así as cousas, os socialistas denuncian que “os recortes do PP nos últimos anos levaron a Galicia a unha situación grave coa falta de persoal no sistema sanitario público. A nosa comunidade é a terceira peor de España en ratio de médicos/as por habitante (aproximadamente 450 por cada 100.000 habitantes, coa media española en torno a 480), e tamén a terceira comunidade autónoma con peor ratio de enfermeiros/as por paciente, con 5,4 por cada 1.000 (a media española está no 5,9 e a europea cerca do 8)”.
Así mesmo, Galicia ten a peor ratio de profesionais por paciente, tamén en áreas como saúde mental, e está por debaixo da media estatal en matronas por habitante. No que se refire á pediatría, a comunidade non chega ao 90% de prazas de atención primaria cubertas por pediatras, mentres comunidades en situacións parecidas, como Asturias, supera o 98%. A pesar diso, na última década, Galicia deixou de formar a 150 médicos/as de familia e comunitarios, dos que puideron ser solicitadas prazas MIR e non se fixo perdendo a oportunidade de xerar maior bolsa de profesionais para nutrir ao sistema.
Os socialistas lembran que nos últimos dous anos déronse, sucesivamente, as maiores convocatorias históricas de prazas MIR para todo o Estado e, tamén, para Galicia. Esta convocatoria histórica tamén o foi para medicina familiar e comunitaria e para a pediatría en atención primaria. “Os expertos sinalan deficiencias en xestión de persoal, en coordinación e planificación da estrutura de funcionamento e en falta de formación e investigación”, advirten dende o PSdeG.
Exemplo no concello de Viveiro
Por todo isto, “como xa reiteramos en varias ocasións, as cifras que ofrece o Sergas sobre os cadros de persoal dos centros de saúde non reflicten a situación real da nosa provincial”. Como así acontece co ambulatorio de Viveiro, “xa que en teoría traballarían 9 médicos pola mañá e outros 3 de tarde, e idéntico número de enfermeiros, pero a única realidade é que, deses 12 médicos, faltan agora mesmo 3, ou sexa, o 25% do cadro de persoal”, denuncian.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
