LUGO .- O presidente da Deputación, José Ramón Gómez Besteiro, entregou este xoves ós alcaldes de Foz, Viveiro, O Vicedo, Burela e Ribadeo as bandeiras que acreditan que 20 praias destes concellos están certificadas medioambientalmente. Lugo e a terceira provincia de España con máis praias certificadas medioambientalmente, aseguran desde a Deputación
NOTA DE PRENSA
A Deputación consegue que a Costa de Lugo sexa a 3º de España con máis praias certificadas medioambientalmente
– O Presidente entrega as 20 bandeiras os Álcaldes de Foz, Viveiro, O Vicedo, Burela e Ribadeo que se sumaron á iniciativa do organismo provincial para potenciar o ecoturismo
– Gómez Besteiro subliña que “hai catro meses iniciamos o proceso no Vicedo con todos os rexedores de todas as cores políticas e hoxe cumprimos, xa que fixemos os deberes no tempo exacto que marcamos”
– Veleiros lucenses e asturianos participarán o 31 de xullo na 1º Peregrinación Marítima que reinvindica que a provincia ten mar e potencia o Camiño Norte
O Presidente da Deputación, José Ramón Gómez Besteiro, entregou este xoves ós Alcaldes de Foz, Viveiro, O Vicedo, Burela e Ribadeo as bandeiras que acreditan que 20 praias destes Concellos están certificadas medioambientalmente. O organismo provincial fíxose cargo de todos os custes do proceso de implantación, que suman 60.000 euros, e supoñen unha nova liña de aforro para os cinco Concellos da Mariña que se sumaron á iniciativa da Deputación para potenciar o ecoturismo.
Neste senso, Gómez Besteiro agredeceu publicamente o traballo realizado polos Alcaldes ó tempo que salientou que “hai catro meses iniciamos o proceso no Vicedo con todos os rexedores de todas as cores políticas e hoxe cumprimos. Fixemos os deberes no tempo exacto que marcamos, logrando que a Costa de Lugo sexa a 3ª de España co maior número de praias coa ISO 14001, converténdoa no referente turístico do noroeste do país”. Pola súa banda, o Alcalde de Foz subliñou que “foi o traballo conxunto e responsable o que fixo que hoxe sexa un gran día para a Costa de Lugo”.
Na actualidade, as zonas que rexistran os índices de turismo máis elevados, as de Valencia e Cataluña, concentran a maioría de praias con este selo mentras, no norte do país, só o teñen algúns areais de Biscaia e da Coruña. A ISO 14001 réxese pola normativa máis estrita da Unión Europea, a EMAS, garantindo praias de auténtica calidade, e vai máis alá da bandeira azul. É dicir, mentras esta última é unha fotografía da praia que se dá nun momento determinado, a ISO 14.001 que implantou a Deputación acredita unha mellora constante.
Asimesmo, a diferenza da Q de calidade, a certificación proposta polo organismo provincial non só atende ás demandas dos turistas que marcan as empresas, senón tamén ás leis medioambientais dos expertos da Unión Europea. Estamos por tanto, ante unha certificación que garante unha correcta xestión ambiental, minimizando o impacto nas praias, e o que é máis importante, nos veciños.
1º bandeira que ondea na Mariña
O titular do organimo provincial, acompañado polos rexedores de Foz, José María García Rivera; Viveiro, Melchor Roel; O Vicedo, Jesús Novo Martínez; Burela, Alfredo Llano; e Ribadeo, Fernando Suárez Barcia, izou a primeira estas bandeiras na Rapadoira sendo a primeira ademais, que ondea este ano na Mariña debido o último temporal de choiva. O Presidente subliñou que “dito e feito, a 1 de xullo temos 20 praias certificadas. Este é un exemplo máis de que a Deputación está un día si e outro tamén coa Mariña con proxectos que son unha realidade como este ou o Barco Muralla de Lugo”.
Deste xeito, ó igual que foi a primeira administración en poñer en marcha un plan de choque para paliar os danos das choivas, o organismo provincial tamén foi a primeira institución en apoiar e impulsar o comezo do verán na costa luguesa. “Con medidas como esta contribuimos a aumentar a estacionalidade e a etapa da xente que veranea na Mariña, e que vai do 15 de xullo ata o San Bartolo”.
Xunto á da Rapadoira, as praias que acadaron este distintivo son as seguintes: Areoura, As Polas, Os Xuncos, Alemáns, Llas, Rapadoira, Pampillosa, Peizas, Arealonga, Xilloi, Abrela, Areagrande, Playas de Burela, A Marosa, Portelo, Ril, As Catearais, Castros-Illas, Covas, Area, Sacido; todos elas en Foz, Burela, O Vicedo, Viveiro e Ribadeo.
Crítica compartida por todos os Alcaldes
Asimesmo, o Alcalde de Foz criticiou que a Xunta de Galicia decidise excluir do plan de limpeza das praias ós Concellos de Foz, Burela, Viveiro e Ribadeo, de tal xeito que obriga ás arcas municipais a facer fronte a este servizo. García Rivera recoñeceu que se trata dunha crítica compartida por todos os Alcaldes e indicou que “senón fora polo esforzo do Concello hoxe as praias de Foz estarían sucias. Co anterior goberno autonómico recibíamos entre 10 e 15 efectivos e este ano 0. Pero é que ademais esta supresión non se fai con todos as cores políticas. É dicir, a Xunta obstaculiza a tempada de verán na Mariña”.
1ª Peregrinación Marítima
O máximo mandatario provincial, García Rivera e o Presidente do Clube Náutico de Foz, Francisco Fernández Rego, presentaron a 1ª Peregrinación Marítima pola Costa de Lugo. Trátase dunha iniciativa que se desenvolverá o 31 de xullo, e que se enmarca dentro do programa Km0 a Compostela. No evento participarán un total de 20 veleiros das provincias de Lugo –pertencentes ós clubes náuticos de Ribadeo, Burela e Casino de Viveiro- e de Asturias para reinvindicar que Lugo ten mar e poñer en valor o Camiño Norte. Ás 11:00 horas, dez destas embarcacións partirán do porto de Ribadeo e outros tantos do de Viveiro, para atoparse, sobre as 19:00 horas, na praia da Rapadoira, e logo participar nunha regata. Deste xeito, o espectáculo estará asegurado durante todo o día.
A iniciativa, que está patrocinada polo Concello de Foz e pola Deputación, estará apadriñada polo regatista Chunny, que no seu extenso palmarés conta con catro voltas ó mundo, dúas participacións na Copa América e unha nos Xogos Olímpicos de Atenas 2004.
A demais, o 1 de agosto haberá baustismos de mar, polo que o Presidente do Clube náutico animou a toda a xente “a que redescubra a Costa de Lugo dunha forma diferente. Con esta iniciativa a Mariña convértese nun referente da náutica deportiva ó igual que hoxe en día son as Rías Baixas”. A actividade será gratuíta e os interesados terán que inscribirse chamando ó número de teléfono do Clube Náutico de Foz: 982 133 609.
Gómez Besteiro tamén aproveitou a visita á Mariña para visitar ás instalacións da cooperativa “Os Irmandiños”, e manter unha xuntanza cos membros do Consello Reitor a quenes lles explicou o proxecto do 1º Centro de Recría Público en España da Granxa Gayoso Castro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
