Vilalba, 16 de novembro de 2021. O director do Instituto Galego de Promoción Económica (Igape), Fernando Guldrís, visitou hoxe en Vilalba a empresa cárnica Atilano Anllo, onde puxo en valor a aposta polos novos mercados que están a levar a cabo esta e outras pemes da provincia de Lugo, o que supón un “factor clave na mellora da súa competitividade”.
Neste sentido, tal e como apuntou Guldrís, nos oito primeiros meses do ano as vendas ao exterior de Galicia rozaban xa os 15.000 millóns, o que se supón un incremento de case o 23% con respecto aos mesmo período de 2020. Unhas cifras ás que cabe sumar tamén o aumento do número de empresas exportadoras galegas, situándose en 7340, o que supón unha suba de 1670 firmas (29,5%) con respecto ao mesmo período do pasado ano.
O director do Igape valorou o esforzo que están facendo as empresas galegas non só para recuperar o nivel de exportacións previo á pandemia, senón tamén para mellorar os rexistros históricos e contribuír á recuperación económica.
“Desde a Administración seguimos activando medidas destinadas a facilitar esta procura de novos mercados”, explicou Guldrís, ao mesmo tempo que salientou a importancia de liñas de axudas como Galicia Exporta Dixital que, no caso de Atilano Anllo, permitiulle activar unha nova web encamiñada á venda online coa que está a consolidar a súa posición en Portugal.
Este programa está a facilitar apoios ao tecido empresarial para promover a expansión internacional a través de novas canles de comercialización partindo de ferramentas dixitais innovadoras. Unha iniciativa que, ata o momento, leva impulsados 18 proxectos de internacionalización na provincia de Lugo por un importe próximo aos 600.000 euros.
Así, o director do Igape puxo en valor a colaboración público-privada como un esforzo conxunto que conta co apoio dunha nova Estratexia de Internacionalización para o período 2021-2025, unha folla de ruta que busca facilitar a saída ao exterior do tecido empresarial galego e que ten como principais claves a aposta pola dixitalización e a diversificación dos mercados exportadores.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
