Lugo, 11 de novembro de 2021. O voceiro do Grupo Municipal Popular de Ribadeo e deputado autonómico, Daniel Vega, defende a designación de “Ría de Ribadeo” e, nese sentido, vén de rexistrar unha iniciativa no Parlamento galego para instar á Xunta de Galicia a presentar recurso contra a Resolución do 29 de outubro de 2021 do Instituto Xeográfico Nacional que recolle o nome alternativo “Ría del Eo” co mesmo nivel de oficialidade que o de “Ría de Ribadeo” para a ría na que desemboca o río Eo.
Vega explica que “esta resolución contradí o principio da ONU que obriga a que en todo o mundo para cada lugar ou accidente xeográfico haxa un único topónimo. E esta lexislación internacional é de obrigado cumprimento para España”, remarca.
A Xunta de Galicia xa ten enviado ao Goberno central a valoración e o informe solicitado polo Consello Superior Xeográfico, dependente do Instituto Xeográfico Nacional (Ministerio de Fomento), que é o organismo encargado de decidir sobre os topónimos que afectan a máis dunha comunidade autónoma e que xa en 2008 ditaminou que o nome oficial desta ría era “Ría de Ribadeo”.
Vega convida á Xunta a “seguir liderando o proceso de defensa da designación patrimonial do topónimo oficial”. De feito, o Goberno galego foi a primeira administración en reaccionar trala solicitude do Principado de Asturias realizada ao Goberno central para o recoñecemento oficial do topónimo “Ría del Eo” traballando coa Comisión de Toponimia de Galicia.
Este órgano de estudo, asesoramento e consulta da Xunta para determinar as formas oficiais da toponimia galega, ditaminara no ano 2006 que a denominación Ría de Ribadeo fora a única oficial no ámbito da Comunidade Autónoma de Galicia e que o Goberno da Xunta de Galicia instara, en todos os estamentos estatais e internacionais competentes, o mantemento exclusivo deste topónimo nos documentos e cartografía onde xa figura actualmente ou a substitución do topónimo Ría del Eo/ Ría do Eo polo de Ría de Ribadeo naqueles que optaron por esta denominación. “A Comisión de Toponimia de Galicia volveu insistir nos mesmos argumentos do seu ditame do ano 2006, pero agora é máis completo, se cabe, porque conta con máis achegas documentais e filolóxicas”, engade o popular.
O popular especifica algúns dos criterios que reafirman o topónimo Ría de Ribadeo: “é a denominación máis antiga, ademais de ser a xeral na cartografía de todos os tempos e a exclusiva ata o século pasado, o XX”. Recorda o popular, así mesmo, que “as rías son mar que entra terra dentro, por iso non reciben o nome dos ríos que achegan auga, senón daquela vila que antes ou mellor consolidou porto de mar. Por iso dicimos ría de Vigo, e non do río Verdugo, ou ría de Arousa, e non do río Ulla, por exemplo”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
