XOVE .- Dentro das actividades que o Concello de Xove realiza dentro do Programa “Verán Xuventude 2010”, organizados pola Concellería de Xuventude, hoxe temos unha importante e novidosa cita; o Alcalde de Xove Demetrio Salgueiro vai respostar ás preguntas dos rapaces e rapazas do Concello dentro do acto “TEÑO UNHA PREGUNTA PARA VOSTEDE”. Este vis a vis entre o Alcalde e os/as rapaces do Concello vaise celebrar HOXE MÉRCORES, 30 DE XUÑO, A PARTIRES DAS 16:30 HORAS SALÓN DE PLENOS DO CONCELLO.
Esta actividade a que acabamos de referirnos é unha das moitas que a Concellería de Xuventude organiza durante os meses estivais de xuño a setembro. Este Programa, que comezou en xuño coa Ruta dos Muiños na Romaría de San Antonio en A Rigueira, vai ter continuidade nos vindeiros meses de xullo, agosto e setembro. Ímonos centrar nas actividades do mes de xullo:
O luns 5 de xullo comezan os cursos de informática na OMIX, de “Manexo de Windows, Word e Internet” para nenos/s de 6 a 9 anos e un “Curso de Informática e Introducción ao Photoshop” para rapaces de 10 a 12 anos. En total INSCRIBÍRONSE 51 ALUMNOS/S, o que sen dúbida é unha cifra moi alta, tendo en conta a nosa poboación. Estes cursos van rematar o 29 de xullo.
O 10 de xullo, un numeroso grupo de xovenses ( con idades de 13 a 35 anos) van difrutar do AQUAPARK de Cerceda, partindo ás 9:30 de Xove para retornar sobre as 20:30 horas. Por agora hai 31 INSCRITOS, e inda está aberto o prazo para poder realizar a inscrición.
Outra actividade que se vai desenvolver durante o mes de xullo é o PAINT BALL, concretamente o MÉRCORES 14 DE XULLO (para rapaces/as de 12 a 16 anos) e o SÁBADO 31 DE XULLO (para rapaces de 16 a 35 anos).. Tamén nesta actividade está habendo unha gran participación, dado que neste intre temos 32 INSCRITOS, podendo ainda inscribirse ata o 12 de xullo.
En conclusión, dende a Concellería de Xuventude quérese destacar a alta participación que está habendo nas distintas actividades que programou para este verán 2010.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
